فالح البريكان
08-12-2007, 01:33 PM
فكري بناه شعور وجدان مشغول = وانضم لجيوش المعاني كتايب
والواهس اللي صار مشرف ومسؤول = والطاري مرشح لمعناه نايب
مازلت حي وكوكب الارض ماهول =والرد فيماهم يقولون جايب
قالوا تراك اصبحت غامض ومجهول = عالق مابين حدود مذنب وتايب
تعيش وحداني عن الناس معزول = غريب في عالم وعالم غرايب
قلت الخطا كايد وماعندي احلول = صارت علي ادنى المشاكل مصايب
ارغم عزاي ارغام واقول يحول = واحمّل الاقدار كل السبايب
قالو وصلنا للخطا! قلت موصول. = قالو لقيته.! قلت بالي وذايب
قالو عجيب ان العجب صار معقول = قلت اعدم المعقول كل عجايب
قالو حرام الكذب .. قلت الله يقول = قالو مانلقا صدق! قلت ايه غايب
بالعالم المجنون ماباقي عقول = غطت على صفو العقول الشوايب
يمكن تلاقينا ورا جبال وسهول لولا تحجّجّ دافعين الضرايب
قالو تجامل واهم وتاصل اخبول = وتصبر علىهوشاتهم والطلايب
قلت الحياه فنون واداب واصول = اكيد مابغا يزعلون الحبايب
والاّ من اللي يضرب العرض بالطول = هذا قدرنا نصير ربع وقرايب
مني وفيني صابر وشايل احمول = مهما يكون القرب جمعه كسايب
يخطي علي ولازم ارضا على طول = واصير انا المخطي وهو دوم صايب
تغرقني الرحمه على رش هملول = وتمنعني الشيمه لو المال سايب
طلع على جلد الزمن تقل ثالول = ماتوجع افعوله لو الشكل عايب
اقول حال الحول من حول لاحول = ويحفظ عناوين الزمن راس شايب
مايجحد التاريخ بالماضي فعول = مافات يبقاله حدود ونصايب
اخذ معي عذري وهو غير مقبول = واحرص لحسن الظن ويرد خايب
اغرقت في دمي من الشرهه سطول =ويرسم مساري عكس كل الهبايب
خذلان عزم اوماي بيدين مشلول = عاجز ياليته قبل الاحباط هايب
داري حجر مابين ضلعان وسهول = مادركت دون جبال روس الجذايب
موضع نوايا الثار في راس مقتول = ولا التماس البرق روس السحايب
يالله عساها كربة ايام واتزول = وتملاني الافراح والكيف طايب
والواهس اللي صار مشرف ومسؤول = والطاري مرشح لمعناه نايب
مازلت حي وكوكب الارض ماهول =والرد فيماهم يقولون جايب
قالوا تراك اصبحت غامض ومجهول = عالق مابين حدود مذنب وتايب
تعيش وحداني عن الناس معزول = غريب في عالم وعالم غرايب
قلت الخطا كايد وماعندي احلول = صارت علي ادنى المشاكل مصايب
ارغم عزاي ارغام واقول يحول = واحمّل الاقدار كل السبايب
قالو وصلنا للخطا! قلت موصول. = قالو لقيته.! قلت بالي وذايب
قالو عجيب ان العجب صار معقول = قلت اعدم المعقول كل عجايب
قالو حرام الكذب .. قلت الله يقول = قالو مانلقا صدق! قلت ايه غايب
بالعالم المجنون ماباقي عقول = غطت على صفو العقول الشوايب
يمكن تلاقينا ورا جبال وسهول لولا تحجّجّ دافعين الضرايب
قالو تجامل واهم وتاصل اخبول = وتصبر علىهوشاتهم والطلايب
قلت الحياه فنون واداب واصول = اكيد مابغا يزعلون الحبايب
والاّ من اللي يضرب العرض بالطول = هذا قدرنا نصير ربع وقرايب
مني وفيني صابر وشايل احمول = مهما يكون القرب جمعه كسايب
يخطي علي ولازم ارضا على طول = واصير انا المخطي وهو دوم صايب
تغرقني الرحمه على رش هملول = وتمنعني الشيمه لو المال سايب
طلع على جلد الزمن تقل ثالول = ماتوجع افعوله لو الشكل عايب
اقول حال الحول من حول لاحول = ويحفظ عناوين الزمن راس شايب
مايجحد التاريخ بالماضي فعول = مافات يبقاله حدود ونصايب
اخذ معي عذري وهو غير مقبول = واحرص لحسن الظن ويرد خايب
اغرقت في دمي من الشرهه سطول =ويرسم مساري عكس كل الهبايب
خذلان عزم اوماي بيدين مشلول = عاجز ياليته قبل الاحباط هايب
داري حجر مابين ضلعان وسهول = مادركت دون جبال روس الجذايب
موضع نوايا الثار في راس مقتول = ولا التماس البرق روس السحايب
يالله عساها كربة ايام واتزول = وتملاني الافراح والكيف طايب