( صمت الكلام )

[عون القحطاني]

احبتي
صمت الكلام سيوف
كم تمنيت ان تكون " طيوف "
ولكن ( .........)
فااقبلوها كما هي ....

.

.







صقلت .. من صمت الكلام سيوف = وجمعت من جيش الهموم ارماح
وسريت في ظلما .. عمى مااشوف = ظلما (ن) مساريها .. مطر ورياح
والحزن .. كاويني على السرجوف = صوتي غضب .. قلبي تعب .. ماارتاح
اسوق رجلي والدروب حتوف = واشيل قلبي من بعد ماطاح
اشيل قلبي والضلوع كفوف = واضمد اجراح الهوى بـ ..اجراح
ياصاحبي مالك علي حلوف = لولا المحبه بارقك مالاح
ولا هلت غيومك مطر وقنوف = ولا غنّى للورقى حمام وناح
وجه الزمن شاحـ.. بــ .. ـعذاب وخوف = وعين الندم تبكي على ماراح
تركت لي حملٍ يهد كتوف = حملٍ على مر العمر ماانزاح
جمرة شقا .. تصّلا حنايا الجوف = وجرحٍ عزيزٍ بالصدر ذباح





مودتي

[خالد صالح الحربي]

:
قصيدةٌ حَارِقَة وَ فارِقَة .

[يزيد الماضي]

بهكذا نص يكون الصباح أجمل

[منتهى القريش]

اشيل قلبي والضلوع كفوف واضمد اجراح الهوى بـ ..اجراح

يا الله ع هالصورة .. إبداع يفوق الخيال ..

إعجابي واحترامي ..

[سامي العمر]

مابين التفعيلة الموسيقيّة الجميلة بك
وجدتك هنا جميل مرة اخرى
جمالك شاسع
تحيّاتي لك

[عبدالعزيز رشيد]

أنيق سلس وجميل شعرك هنا
رشيقة مفرداتك وناصعة معانيك
شعرٌ محكم التوزيع والتصوير وتام
ألف شكر لك

[شوق]

نص جميل

صح لسانك

كون بود

أختكـ/شووق

[شــمــ نـجـد ــس]

قصيدة بعد قراءتها لا نجد للحديث حديث ...!!

رغم الصور الرائعه بها إلا انها موجعه

لاعجب أن تكون " صمت الكلام "

أخي الشاعر القحطاني عون

شكرا لك وللشعر هنـا

: