سكيــــــــنتي حمـــراء

[فهد مفلح]

مانيب أخلّي ذبحـت الشـاة ياذيـب=ولانيب اخلّي ذيبي من دون عيشـه
سكينتي حمرا دسمهـا علـى طيـب=الفرق واضح بيـن جلـده وريشـه
آسف تجي متأخره من بعـد عيـب=قبحٍ سبق عذره وطـش الطشيشـه
جمرة يدي حارقبها صرفـت الجيـب=مامد صرفتها علـى حـرق شيشـه
الجود من ماجـود والكلمـه تصيـب=ياللـي تغنيهـا علـى لحـن بيشـه
صف المواجع قايـم بشيـل تعطيـب=صـارة نهايتهـا بجوفـي بليـشـه
الملح فوق الجـرح إيزيـد تعذيـب=والهرجـه اللـي ماتثمّـن كديشـه
شبيتهـا فـي خافقـي دون تطبيـب=تحرق بي اليابس وخضر الحشيشـه
لولا اللذي لاجيب واجيـب واجيـب=والباب فاتح والنظـر مـع دريشـه
توي على العشرين عمري وبي شيب=والكـل متضلـل يظلّـه عريـشـه
ورّد نياق الخير أن كان بـك طيـب=وأصدّر اللي فـي زمانـي اعيشـه


شعر فـــهد مــــفلح

[منتهى القريش]

الملح فوق الجـرح إيزيـد تعذيـب=والهرجـه اللـي ماتثمّـن كديشـه

الله عليك ..

فقط تسجيل اعجاب ..

ودي ووردي

[شوق]

سلمت أناملك

على روعة هذا النص

كون بود

أختكـ/شووق

[عبدالعزيز رشيد]

اخي
فهد مفلح
تعابيرك هنا جميلة كذلك مفاهيمك
والتقاطتك للفرق مابين الجلد والريشة جميلة
ألف شكر لك

[فارس مهدي]

صح الله السانك


تقبل تحيتي

[عيون الشوق]

جمرة يدي حارقبها صرفت الجيب


شاعرنا فهد مفلح


نسج من شموع مع عتمة هذا الليل


وجدت هنا كومة من الالم برغم جمال النص


دام لنا هذا الابداع


ودمت بخير