( لا تســــــــألي )

[خالد السويلمي]

لا تسألي عن حال من حاضره غاب=ولا تسأليه إن عاد وش صار وينه
مستغربه ؟ إيه إسمعي مامن أجناب=لكن على الله وضعنا تفهمينه
بنت الفرح للهم زفة على ركاب= تكوحت ليلة فرحها حزينه
وبنت العذاب مكبله بين الاهداب=في نونها والنون أصلا رهينه
وبنت العنا تصرخ سجينه بسرداب=من دونها عوج الضلوع المتينه
نوبٍ أجاوبها بهمسات الاحباب=ونوبٍ يجاوبها الخفوق بونينه
يابنت حنا وقتنا ريشة غراب=وسوادليله من كئابة سنينه

وانتي وأنا وآدم وحوا من تراب= لا تزعلين إن صارت الحال طينه

[محمد السالم]

يا سلام والله انه يا سلام


بحك وشعر ومقدرة رائعة


يكون الشعر كذا ولا فلا


صح الله السانك

[خالد العقيل]

خالد السويلمي
سعيد بــ عودتك
ومصافحة هذه الرائعة
تقديري

[عيون الشوق]

انتي وانا وآدم وحوا من ترااااااب


شاعرنا خالد السويلمي


بوح راقي باحساس صادق إلتمسته هنا


لحرفك الراقي أزكى التحايا

[شوق]

مبدع والابداع دئماً حليفك

صح قلبك

كل الود

أختكـ/شووق

[قايـد الحربي]

خالد السويلمي
ــــــــــــــ
* * *

كتبَ هذا البيت / الشعر :

" يابنت حنا وقتنا ريشة غراب
ـــــــــــــــ وسواد ليله من كآبة سنينه "

فأكّد لنا بأنّ الشعر ومضة لا شمس
وبإمكانه أنْ يكون كثيراً وهو قليل .

لك الشكر والشعر ياخالد

[هدب]

وانتي وأنا وآدم وحوا من تراب.
.................. لا تزعلين إن صارت الحال طينه



خالد السويلمي

اعجبني هذا البيت كثير في توقيعك

والآن
اسجل اعجابي بــ كامل النص

دمت دوما مبدع

[فهد مفلح]

ياخالد وبنت فكرك وابداعك ماقلت فيها شي ليه

صح لسانك يامبدع وتحياتي لك
تقبل مروري