خفايا الروح

[خالد السويلمي]

ناح الحمام وطوح الصوت زاجل=وفزيت مدري وش جراله من احداث
مدري طرب أو ناح والقلب واجل=مدري هنا والا عنا الوقت له لاث
ناح الحمام وصابني سهم عاجل=وبسباب نوح الورق وقفت منخاث
أخذت لي وقفه بالافكار باجل=والفكر هوجاس التصانيف له خاث
ووجست انا بالروح مثل المناجل=حشت معاليق الحشى حش جثجاث
وناديت ياهل العرف واهل المراجل=صبري قضى والهجس للنار محراث
ردوا علي ويش الذي لي ناجل=معقول لاٌجل الطير لي الهنا إنداث
ومعقول نوح الورق يعني مساجل=والا طرب أو حزن أوذاك ميراث

[خالد السويلمي]

هب الهوى واندار شرقي وجنوبي=وهب الهوى غربي ولا شاق بالي
ودار الهوى واندار وافخت دروبي=دار الهوى وعْـن الهوى القلب سالي
يندار مايندار يانفس طوبي=ماحرك إلْساكن لو الريح عالي
لكن بلاي وبلشتي هي نشوبي= إن جت شماليه تشيل الخيالي
هذا هو جنوني وهذا شبوبي=وهذا شقاي ولوعتي هو هبالي
نعم نعم موتي وميلاد نوبي= إلياداعب إلروح الشمالي شمالي
ودكن هواجيسي بليل وسروبي=على جناح افكار ليلٍ صفالي
وابحرت مشتاق البحر وابحروبي=أشواق شوقٍ من شقى الروح جالي
وأخذت اسطر ماطرى مادروبي=أهل القلوب الدالهات الخوالي
هذا ترى علي وهذي عيوبي=وهذا هواي ورغبتي راس مالي
ولو ذعذعت غربي وشرقي وجنوبي=أبقا شمالي ليه ؟ دمي شمالي

[خالد السويلمي]

مافات مات وأول العمر هالحين
..... عمر الشقى ماهو من العمر بـ حساب

[خالد السويلمي]

معذوره الروح لو نادت
... بسمك ولك سلمت روحي
انتي هواها وله عادت
...ولغيرك الروح ماتوحي

[خالد السويلمي]

هنا
شذى عطرك
أنفاس روحك
؟
بأنف
ألمشاعر


؟

أعترف لك
بك أهذي
؟

[خالد السويلمي]

لازلت أهذي
لكن
بصمت

؟

بين الامل والياس وجروح الايام
.... ضعت بـ متاهات الهجوس بخيالي

[خالد السويلمي]

ياصاحبي كل القصايد قديمات=طعون في صدر الجريح الشقاوي
آخرهن أولهن وآخرهن آهات=والباقيه في صدر حيٍ حياوي
زخم المشاعر عبرةٍ تذرف ابيات=على الورق تشهد بصفحة دعاوي
فيها أواسي بالاسى نايح الذات= لا ضاق صدري رحت أهيجن خلاوي
أهيم بالدنيا بـ مد المسافات=في جوف وقتٍ مثقلته الشكاوي
ماهو لأجل إلا لأن المعانات= تجلب على حي المشاعر بلاوي
ونا بشعري عايشٍ بالف هيهات=ولا طاحت الهقوه ولا كنت ناوي
وياكثر ما للناس بالناس هقوات=وياكثر ما بالناس ضاعت هقاوي

[خالد السويلمي]

هذا المساء
غريب

وأنا به كذلك
لا أعلم السبب


؟


لازلت

أ
هـ
ذ
ي



؟