محمد العايد
10-18-2007, 10:39 PM
خلوني أكفخ بالجناحين وآطير=ملّيت وأنا منتظـــر في مكاني
اما قصيدة غير واحساسها غير=ولا بلاش من الشعر والاغاني
ماعاد فيها تمتمات ومعاذيــــر=هذا الزمن ماكنــّه الا زماني
والفكرة اللي تركد شوي وتحير = نوب ٍ تطاوعني ونوب تعصاني
ولمتها دلــــة غلا تالي عصير =بهّرتها من هيـــلي وزعفراني
تفوح وان هبّت هجوس التفاكير = يوم ارتكت بي فوق جمرالمحاني
ابي اليا قدمتهـــــــــــا للمناعير = كل مارشفوا فنجال عنّوا لثاني
مسرح وهيبة ميكرفون وجماهير=وهمّ ٍ تحـدّاني وهــم يحــــداني
الدرب مجهم والنوايـــــا مغاتير=والحمل كايــــد لكن الحلم داني
ياهاجسي مهما تطول المشـــاوير = آبنثر ورودي وارش الاماني
طلعي وكاد ان يسر الله علىخير=ومخلابي مضرّا لصيــدالمعاني
والعشق مركب والفراق الاعاصير=والصدق دانة والوصال المواني
وان تلت فوادي عنود الغنادير=كما يتل احلى القصايد لساني
فكري... معزّبها وطيفه مسايير = و شعري.... ذبايح والدفاتر صواني
غنيّتها مثل الفرح بالتبــــاشير=ورسمتها غيمة تزف التهاني
استوطنت نبضي معزة وتقدير=وش عاد لو جمر المفارق كواني
تصبح بقلبي بين عشب ونواوير=وتمسي على همس وقصيد واغاني
غلاه دلـــووخافــقي جمة البيــر=والوجد حبله والظلوع السواني
اما قصيدة غير واحساسها غير=ولا بلاش من الشعر والاغاني
ماعاد فيها تمتمات ومعاذيــــر=هذا الزمن ماكنــّه الا زماني
والفكرة اللي تركد شوي وتحير = نوب ٍ تطاوعني ونوب تعصاني
ولمتها دلــــة غلا تالي عصير =بهّرتها من هيـــلي وزعفراني
تفوح وان هبّت هجوس التفاكير = يوم ارتكت بي فوق جمرالمحاني
ابي اليا قدمتهـــــــــــا للمناعير = كل مارشفوا فنجال عنّوا لثاني
مسرح وهيبة ميكرفون وجماهير=وهمّ ٍ تحـدّاني وهــم يحــــداني
الدرب مجهم والنوايـــــا مغاتير=والحمل كايــــد لكن الحلم داني
ياهاجسي مهما تطول المشـــاوير = آبنثر ورودي وارش الاماني
طلعي وكاد ان يسر الله علىخير=ومخلابي مضرّا لصيــدالمعاني
والعشق مركب والفراق الاعاصير=والصدق دانة والوصال المواني
وان تلت فوادي عنود الغنادير=كما يتل احلى القصايد لساني
فكري... معزّبها وطيفه مسايير = و شعري.... ذبايح والدفاتر صواني
غنيّتها مثل الفرح بالتبــــاشير=ورسمتها غيمة تزف التهاني
استوطنت نبضي معزة وتقدير=وش عاد لو جمر المفارق كواني
تصبح بقلبي بين عشب ونواوير=وتمسي على همس وقصيد واغاني
غلاه دلـــووخافــقي جمة البيــر=والوجد حبله والظلوع السواني