محمد السالم
10-28-2007, 12:22 PM
ليست على ظاهرها
؛
؛
؛
؛
عَلاقتي بالصّبر ماهي بشرعية = عَلاقةٍ يكتنفها الشك والريبة
عَلاقتي به على جوزا معذرية = لا شاف طيبي ولاني شايفٍ طيبه
غديت أنا والصّبر نزّالة إقريّة = مامنهم الّي حفظ خيّه معاييبه
يسّدي لي أفكار مغلوطة وسادية = آعيشها بين ترغيبه وترهيبه
مثلي يعرفه ماغير أحلام وردية = على الطبيعة تبخّر جعله الخيبة
أعيش وياه في قصّة خُرافيه = حملٍ وديعٍ تربى في حشا ذيبَه
يقول بانه صديقٍ صافي النية = صداقةٍ ماتزبن من مشاعيبه
وأنا هُنا والصّبر خوة خلاوية = خوة طريقٍ جباري مابها طيبة
يفرض علي واقعه قسرٍ وجبرية = همه آطاطي شموخي وافقد الهيبة
آحاول اخلق معه روحٍ رياضية = واقّبل مساويه واسكت عن عذاريبه
واحوّل افصول وطري له ربيعية = واقبّل يديه وانفّذ مواجيبه
لكن يبقا جهولٍ ماردع غيه = حلوٍ السانه وكدرات مشاريبه
مليت من كثرة اقوالٍ هُلامية = اعرف فحاويه قبل أقرأ مكاتيبه
ضاعت حسانيه من كثرة مساويه = إذا فعل خير جنني يهذري به
إلى متى والنوايا به رماديه = ماعاد تصلح ظنوني من ملاعيبه
يشّمت زهابي وينطقها علانية = وأنا بمثل المثل اشّمت مزاهيبه
ياصّبر أمّا اجعل النية سماوية = ولا تيسر وكلٍ عارفٍ عيبه
؛
؛
؛
؛
عَلاقتي بالصّبر ماهي بشرعية = عَلاقةٍ يكتنفها الشك والريبة
عَلاقتي به على جوزا معذرية = لا شاف طيبي ولاني شايفٍ طيبه
غديت أنا والصّبر نزّالة إقريّة = مامنهم الّي حفظ خيّه معاييبه
يسّدي لي أفكار مغلوطة وسادية = آعيشها بين ترغيبه وترهيبه
مثلي يعرفه ماغير أحلام وردية = على الطبيعة تبخّر جعله الخيبة
أعيش وياه في قصّة خُرافيه = حملٍ وديعٍ تربى في حشا ذيبَه
يقول بانه صديقٍ صافي النية = صداقةٍ ماتزبن من مشاعيبه
وأنا هُنا والصّبر خوة خلاوية = خوة طريقٍ جباري مابها طيبة
يفرض علي واقعه قسرٍ وجبرية = همه آطاطي شموخي وافقد الهيبة
آحاول اخلق معه روحٍ رياضية = واقّبل مساويه واسكت عن عذاريبه
واحوّل افصول وطري له ربيعية = واقبّل يديه وانفّذ مواجيبه
لكن يبقا جهولٍ ماردع غيه = حلوٍ السانه وكدرات مشاريبه
مليت من كثرة اقوالٍ هُلامية = اعرف فحاويه قبل أقرأ مكاتيبه
ضاعت حسانيه من كثرة مساويه = إذا فعل خير جنني يهذري به
إلى متى والنوايا به رماديه = ماعاد تصلح ظنوني من ملاعيبه
يشّمت زهابي وينطقها علانية = وأنا بمثل المثل اشّمت مزاهيبه
ياصّبر أمّا اجعل النية سماوية = ولا تيسر وكلٍ عارفٍ عيبه