فيني من الحزن ديرة

[بدرالموسى]

أعشق الأنا

لأني أعرف من تكون هذه الأنا
سافرت معها فيّا
على متن خطوط الطيب الأبدية
وجناحي العز والشموخ
فلتستمر هذه الرحله
وليستمر عشقي لها ( الأنا )

[بدرالموسى]

ليلة البارح طويلة
ما ذقت نوم ولا قدرت أسهر
ضعت مابين نومي والسهر

هو حصل شي
بين عيني وبيني ؟

او يمكن
ثوب السعاده ما يجي طولي

هو تساؤل او فضول

أو حلول بلا حلول

يا صامته قولي


لحظة

الإتصال إنقطع
والصمت واقف على الباب
ونأذن له بالدخول
ساكت ما نطق
وش يقول
احباب تودع احباب
والحال ضايع
اتعبته معاي ذال الحال

ويرجع الإتصال


ألو

ألو

ألو


عفوا من معاي
أنا

ما عرفتني ؟

لا ما عرفتك
لان النمره غلط

هذي بيتي وهذا رقمي
وإسمي الوصل المحال

[بدرالموسى]

في شوارع ضحكتك أضيع
لا ودي القاني
ولا ودي ارجع مكاني
آه لو أبقى هنا
وأنسى العنا
لو ثواني

[بدرالموسى]

في سما عيونك غيوم
تمطر حروف
وتنبت حروف
وتتشكل الكلمة على جدار
الأرض نبته
ولها فم
لا عرف ضيقه
ولا عاش هم
ما نطق إلا الحقيقة

[بدرالموسى]

رد إستثنائي


للكوني صوت


لا تقلق كل مافي الأمر
جسد على كفن و " رأس " في عتمة الغياب
وموتٌ مُعلن ينتظر لإنسان عابر
وهو ينتظر صوت روح ليكفر عن خطايا ليست خطايا

[بدرالموسى]

جيتك انا بالشوق
والشوق حراق

جيتك ادور في لقاك
أنت بردي

ألقاك فرحي
كلما الكون بي ضاق

وأشوف نفسي هايمٍ
فيك حدي

[بدرالموسى]

أنا والحزن ألقاني
كما عمله
لها وجهين


وكل ما قلت أفرقنا
أشوفه يتبع
ظلالي

[بدرالموسى]

يا ليت ما كنا

هناك
في الموعد المجهول

ياخي وش تقول ؟
لا تصير المشاعر قاسيه
الذكرى راحت
ناسيه
والوصول بلا وصول

يا ليت ما كنا
هناك
إنتي وأنا
لا شفت برد
ولا ضعت في زحمة
دفاك
وش رايك نقلبها فصيح
ونغير اخطاء الصحيح
وأناديلك من هناك