اللغز الثاني عشر ( فكر وحله ) ؟!

[فيصل البندر]

اخوتي الاعزاء

اليكم اللغز ...





باللغز اجي لك وانت فكر وحله=ياما حلى لغزٍ اذا سيق ينحل


ورعٍ وصدر البيت هو منز لٍ له=ورعٍ يجي مقلوب يامدور الحل


وجهه يجي منقوش يامن يدله=لو تقلبه لا نقش في اسفله حل



اتمنى ان يحوز على اعجابكم ورضاكم ...

[نـــجد]

السالفة فيها تقليب ونقش :confused:
طرى على بالي القرش
قلبت الحروف كلها

طلع لي ( اجي لك )
منقوش ومدور وحالي وجاي بصدر البيت

لاتقول غلط مع ان ودي اشوف الباص وين يودي :p

[فيصل البندر]

(غرام الخزامى والنفل)
(نجد)

يعطيك العافية وشكراً لكل هذا التفاعل

سأنتظر من الأخوة حل اللغز

[علي القحطاني]

انا اتوق الفلوس مثلن ريال <<<<ة هذا بخيل ريال خخخخخخخخخخ
..
إن شاء الله صح لان لمن تقلبه تلقاء النقش من الجه الثاني والله مدري كيف
صح ولا لا
إن شاء الله صحـ،

[خالد صالح الحربي]

.
.

صراحة.. هذا.. اللغز.. باين.. عليه.. أنّه.. مسكّت..
لكن.. صراحة.. ماتوصّلت.. لحل.. يمكن.. أقول.. أنه.. مُقنع..

.
.

[فيصل البندر]

اخي العزيز علي القحطاني

اجابتك خطاء وبعيدة وانا اقول نضف درايش الباااااااااااااااااااااص

ومر على خالد الحربي بطريقك :)

بانتظار البقية.....

اللغز طول ....

[وليد المتعب]

اخوي العزيز فيصل البندر شكراً على هذه الألغاز الشيقة واتمنى استمرارها

انا مر علي هاللغز من قبل

واتمنى اني ما اركب الباااااااااااص مثل اللي اسبقوني :)

شرايك (بالكليجا وعكسها كلمة اجي لك اللي وردت في صدر البيت الاول)

[وائل فهد]

اضم صوتي مع اخوي وليد

[فيصل البندر]

صح السانك اخوي وليد

ومشاء الله عليك من اول اجابة نعم هي(الكليجا)

شكراً لك على هذه المشاركة الجميلة

[فيصل البندر]

اخي العزيز وائل فهد

شكراً لهذا المرور وسبقك عليها اخوي وليد ولكن الجايات اكثر

لك اجمل التحايا،،،