كلّي معاك وفكري وزيتي ومصباحي !!!

[بدر القمشوعي]

آنا نديمك .. لا جفاك .. آخر صحاب الروح

كلّـي معاك .. وفكري .. وزيتي ومصباحي



قلبي مدينة حالمة .. لك بابها مفتـوح

صدري قبيلة من دفا ما تقبل طياحي



عندي لك الهمس الشفيف الناعم المبحوح

وش تطلبين أعزف عشانك لجل ترتاحي ؟!



ما إنتي اللي بك جروح كل المدينه جروح

ياما حوالينا جريح .. مطنش وصاحــي



إحكي لي .. وكلّي إذن .. كلّي ظلال ودوح

إرمي لي حمول العنا بأكتافي وراحي



باكر على باب الحزن .. ما تلمحين صروح

وآطيّر أسراب الفرح وأفرد لك جناحي



يكفي دوا للي نعانيه إرتعاشة بوح

وآنا لجل بوحـك ترا زيّـت مصباحي

[محمد السالم]

آنا نديمك .. لا جفاك .. آخر صحاب الروح

كلّـي معاك .. وفكري .. وزيتي ومصباحي



قلبي مدينة حالمة .. لك بابها مفتـوح

صدري قبيلة من دفا ما تقبل طياحي



عندي لك الهمس الشفيف الناعم المبحوح

وش تطلبين أعزف عشانك لجل ترتاحي ؟!



ما إنتي اللي بك جروح كل المدينه جروح

ياما حوالينا جريح .. مطنش وصاحــي



إحكي لي .. وكلّي إذن .. كلّي ظلال ودوح

إرمي لي حمول العنا بأكتافي وراحي



باكر على باب الحزن .. ما تلمحين صروح

وآطيّر أسراب الفرح وأفرد لك جناحي



يكفي دوا للي نعانيه إرتعاشة بوح

وآنا لجل بوحـك ترا زيّـت مصباحي


يا صباح الشعر والروعة يا بدر

متصفح يحمل بوارج الدهشة

يالروعتك يا بدر يا لروعتك

[عبدالعزيز رشيد]

هكذا يأتي الشعر عندما يسامر اللطف أعذب الإحساس
وكذلك كانت الصور عجيبة بـ قدر بساطتها
أخي\بدر القمشوعي
وللشعر العماني نكهة ولـ شعر أنت نكهته
تحيّة ودّ لك

[ميــرال]

عندي لك الهمس الشفيف الناعم المبحوح
ــــــــــــ وش تطلبين أعزف عشانك لجل ترتاحي ؟!



بيت من سكر نبات /وتوت


بدر القمشوعي
رقيق النص
واكثر

[العـنود ناصر بن حميد]

هذا النص يا بدر
هو أقرب مايكون كـ غيمة بيضاء حالمة
صح قلبك
ودمت بخير

[سامي العمر]

جميل وأكثر
ووعي متدفّق بطريقة التصوير
والشعر العماني المعهود بالجمال
وكذلك الشاعر العماني وانت احدهم معهودين بجمالهم
تحيّاتي لك

[ريم علي]

صح بوحك يا بدر

قصيدة فاخره من شاعر غير عادي

شكرا لك

[بدر القمشوعي]

يا صباح الشعر والروعة يا بدر

متصفح يحمل بوارج الدهشة

يالروعتك يا بدر يا لروعتك


صباحك أرحب وأعذب يا محمد

لك الشكر الجزيل على الحضور البكر

لك كل المودة