بدرالموسى
11-27-2007, 12:48 PM
جديدي أتركه بين أيديكم
رغم الحزن
الذي لا يكل من كتابتي
أدري وحيد ومعطي الناس ظهري =اخترت أعيش هناك بأطراف ديره
أجلس لحالي أنتظر فوح عطري =طال انتظاري يا عسى تكون خيره
وأدري حزين وهمي تراب قبري =حملي جبالٍ راسياتٍ ضريره
لابان نور الصبح واجتاح فجري =يشبه شعاع ضيع دروب سيره
آهات تقتل فيني زهور عمري =وطعون كانت من يديها كبيره
مدري تشاؤم مدري إحساس حصري =مدري مصيري مرتبط مع مصيره
ألبس ثياب الجرح وغطاي صبري =ما كنت أقايس ذي كبيرة وصغيره
أشرب هموم ٍ صبها نبع قهري =وأثمل جروح ٍ مبطياتٍ عسيره
مرات أضحك وأرجع أقول بدري = عشت انتظار النور ما عشت غيره
مرات اكتم عبرتي وسط صدري =ومرات دمعي يعجز يطير طيره
مرات ادري وأغلب الوقت مدري = ما قمت أميز صابت النفس حيره
ضميت حزني وأدمعت عين شعري = الصمت يجبر لي مشاعر كسيره
صبحي سواد وما فرق عنه عصري +همي بلاد وحزني اليوم ديره
رغم الحزن
الذي لا يكل من كتابتي
أدري وحيد ومعطي الناس ظهري =اخترت أعيش هناك بأطراف ديره
أجلس لحالي أنتظر فوح عطري =طال انتظاري يا عسى تكون خيره
وأدري حزين وهمي تراب قبري =حملي جبالٍ راسياتٍ ضريره
لابان نور الصبح واجتاح فجري =يشبه شعاع ضيع دروب سيره
آهات تقتل فيني زهور عمري =وطعون كانت من يديها كبيره
مدري تشاؤم مدري إحساس حصري =مدري مصيري مرتبط مع مصيره
ألبس ثياب الجرح وغطاي صبري =ما كنت أقايس ذي كبيرة وصغيره
أشرب هموم ٍ صبها نبع قهري =وأثمل جروح ٍ مبطياتٍ عسيره
مرات أضحك وأرجع أقول بدري = عشت انتظار النور ما عشت غيره
مرات اكتم عبرتي وسط صدري =ومرات دمعي يعجز يطير طيره
مرات ادري وأغلب الوقت مدري = ما قمت أميز صابت النفس حيره
ضميت حزني وأدمعت عين شعري = الصمت يجبر لي مشاعر كسيره
صبحي سواد وما فرق عنه عصري +همي بلاد وحزني اليوم ديره