انا يا ( مـــي)

[جمال العتيبي]

انا يا (مي) من غبتي وانا جنبك واعد خطاك=اسافر لك معك وانسى دروبي بسكة غيابك
وانا يا (مي) من عقبك سفينه وافقدت مرساك=تعبت وما لقيتك بس بعني بالنظر بابك
حياتي اصبحت ذكرى بوقتي يوم انا وياك=اهوجس بك انا وانسى جميع الغيد والها بك
تصدق ماتذكرتك لأني ماقدرت انساك=نسيت الكل ياكلي وكل الكل بأسبابك
رميتيني واصبتيني و انا ديني منع لا اجـزاك =عليك الله و امان الله فدا قوسـك ونَشّـابـك
اعيش العمر بالذكرى مبي هجرك ولا فرقاك=دخيلك لاتخليني بها الذكرى وبكتابك
صحيح اني ادور عن هوى غيرك ابي أسلاك =ولكن مالقيت الي يساوي ذرة ترابك
طيور الحب ماتنسى حبيبي دمعتك وانداك=اجل وشلون انا بنسى غرام (ن) عندنا جابك
انا وياك محبوبك تكذب لا تقول اهناك=وانا بسألك عن (( زله )) تقول إني من احبابك
توقعتك من احبابي توقعتك تقول اهواك=انا اشوفك مثل غيمه يعيش الكل طلابك
ترى عمر المحبه يوم ما ينقص بدون ايحاك=يموت ابك الشجر واقف وتذبل زهرة اصحابك
وانا والله من عقبك وانا مرتاح من لاماك=يقولون المحبه درب واقول الدرب مجنابك
غلط ظنك و لو انك ضحك سنك بلا اضحاك=اناادري بك و الاعيبك بدا غييبك على نابـك
تخاويني وتدنيني و تجزيني عـلـى طـريـاك =تصاحبني و تتعبني لـو اطربني نبـا اطرابـك
حياة الروح سر النوح و المذبوح صار افـداك=فداك القلب ضمن السلب لا حبابك مـن اسلابـك

[هـيـفـااللاّفـي]

جمال العتيبي

روعة الشعر تتجلى بأبياتك

قرأت فوجدت أروع المشاعر والشعور..

صح نبضك

ولاهنت

[خالد العقيل]

جمال العتيبي
سعيد بـــ عودتك
وسعيد بــ قراءه هذه الرائعه
دمت بهذا الحضور
تقديري

[خنساء بنت المثنى]

نصٌ رقيق المشاعر اخي الفاضل

صح بيانك وكُلك

مودتي وأحترامي

[وسن]

الصفحه اخذت الكثير من اسمك
جمال
صح قلبك وكلك

[عبدالعزيز رشيد]

جميلٌ جدا هنا العزف على ألحان النزف والبوح بـ نَفَس الشوق
تخلّلت الأبيات العديد من الصور التي أبت إلا وأن تحمل بصمة حزنك الخاصة فكنت فريدا هنا
تصدّق ماتذكّرتك لأني ماقدرت انساك
ـــــ نسيت الكلّ ياكلّي وكلّ الكل باسبابك
رغم أن الصورة مألوفة إلا أنها تحمل ألوان عذاباتك وجمال تعابيرك المتجانسة مع النصّ
أعجبني تصوير استحالة النسيان واستخدام الـ [كلّ] لكن ! فقد لم تعجبني كلمة "تصدّق" لأنّك تخاطبها :)
جمال
هنا بحر عذاب عذب ملئ بدرّ الدمع
ألف تحيّة لك

[خالد الظويفري]

جمال
وهذا النص أيضا جمال ..
منذ زمن لم أقرأ لك .. أهلا بعودة إبداعك ياصديقي ولا غرابه
ولكن أتمنى في المقبلات تحديد المخاطب أما بالتذكير أو بالتأنيث
دمت جميلا جزيلا

[فهد مفلح]

الله علـــــــــــيك ياجمال تفرّد وابدااااااااع

لاهنت
وصح لسانك

[فيصل الباهلي]

دقيت على وتر حساس


















صح كلك يابعدي




مودتي

فيصل