فيصل بن عسكر المهلكي
12-23-2007, 03:30 PM
كل عام وأنتم بخير
.
ياليل لا تفتح على شرهتي باب = وتطيح هقوه ويتضايق شمالي
دام السنين المقفيه جرح وغياب = أبـ أتوارى عن عيون الليالي
أرقب مراقيب السهر وأسرج ركاب = فكري وأرقّيها على كل عالي
ياليل خلّك معي لا خانوا أصحاب = تراه ما غيرك خويٍ صفالي
تمسح على خد السهر دمعة عتاب = وعن واقعي تبحر معاي لخيالي
تجوع وأطعم نجمك وجيه الأحباب = اللي بعدهم مركب العمر خالي
ما كنّي إلا مع ثوانيك مرتاب = أخاف لا أذبح عقربك بإبتهالي
والحزن ضيف أستقبله دون ترحاب = لأنّه نزل في منزل إنسان غالي
من حط رحله دق بعيوني أطناب = ومن وين ما لدّيت لأنّه قبالي
ياليل لا طابت ولا شرها غاب = من يوم وقتي يستخف بسؤالي
ياليل لا تفتح على شرهتي باب = وتطيح هقوه ويتضايق شمالي
خل الحزن ياخذ من الصدر ما طاب = شرّعت له صدري ولاني مبالي
...............................................
.................................
..................
ديمومة شِعر
اعشوشب منها القلب
صح قلبك
ياملك
.
ياليل لا تفتح على شرهتي باب = وتطيح هقوه ويتضايق شمالي
دام السنين المقفيه جرح وغياب = أبـ أتوارى عن عيون الليالي
أرقب مراقيب السهر وأسرج ركاب = فكري وأرقّيها على كل عالي
ياليل خلّك معي لا خانوا أصحاب = تراه ما غيرك خويٍ صفالي
تمسح على خد السهر دمعة عتاب = وعن واقعي تبحر معاي لخيالي
تجوع وأطعم نجمك وجيه الأحباب = اللي بعدهم مركب العمر خالي
ما كنّي إلا مع ثوانيك مرتاب = أخاف لا أذبح عقربك بإبتهالي
والحزن ضيف أستقبله دون ترحاب = لأنّه نزل في منزل إنسان غالي
من حط رحله دق بعيوني أطناب = ومن وين ما لدّيت لأنّه قبالي
ياليل لا طابت ولا شرها غاب = من يوم وقتي يستخف بسؤالي
ياليل لا تفتح على شرهتي باب = وتطيح هقوه ويتضايق شمالي
خل الحزن ياخذ من الصدر ما طاب = شرّعت له صدري ولاني مبالي
...............................................
.................................
..................
ديمومة شِعر
اعشوشب منها القلب
صح قلبك
ياملك