ضيق الدروب ..!!

[عبدالرحمن مازن العطاوي]

.
.

السلام عليكم ورحمة الله وبركاته ،،
غياب لـ ظروف خاصه .. وغلا لـ أبعاد ومن فيه



ضيق الدروب


إحترق صدر المعنىّ .. وضاقت إدروب المدينه=وقامت الذكرى تهب إرياحها من كل صـوب
ولالمحّت ألا خيالك .. يامدى قلبـي وأنينـه=يوم شفتك ذات يومٍ فالمساء .! قبل الغـروب
عقبها ليل القصائد شاق لك وأعلـن حنينـه=والتفت كنّه على وصف المواقيف إمغصـوب
قلت أكتب : قال مقدر.. صاحبك ويني ووينه.؟=له ثلاث شهور غايب.! وانا صدري له رحوب
انتظرته مارحّمك .! ولاسأل عن عاشقينه .؟=غايبٍ والنار شبتّ داخـل إضلوعـك شبـوب
طالبكّ .! عودي وأنا اللي لو بعدتيّ تسهرينه=طالبكّ شوفي وش اللي لبسّ إعظامي ذنـوب
طالبكّ يانبض قلبي .. ياشـذاه ..وياسمينـه=عطريّ جوّ الرياض .. وفرحيّ كل الشعـوب
قولي: جيتك والمشاعر لك وفيّـاتٍ ..أمينـه=وأتباهى في مجيّك من شمالّ ومـن جنـوب
عقبها تلقين دفتر شاعـرٍ لـك حافظينـه .!=فأول الصفحة قصيده إسمها ( ضيق الدروب )
ويوم جيتي ياغلا روح القصيد ودمعتينـه .!=رددي بيتين تكفي .! لاسرى ليلك شحـوب .!
صاحبك لامن رحلتي واجب إنـك تاخذينـه .!=يندفن لاصار وحده .! والسبب ريمٍ لعـوب .!
وصاحبك لامن لفيتي شوفي الدنيا في عينه.!=من صلابتها عشانك .! ياغلا الدنيا تـذوب .!




وسلامتكم ،،

[هـيـفـااللاّفـي]

الله عليك الله
سمو حرفي
لا يشبه إلا أنت
فاتنة أهدتنا / الشعر
على طبق من ذهب
وشفعت لغيابك

صح لسانك / نبضك

وياهلا فيك

ودي

[فيصل بن عسكر المهلكي]

ابومازن


لك مكانه في القلب كبيره جداً


نص لايملّ

تنصت الارواح له

لتعيشه / شِعراً


صح قلبك

ياملك

[ميــرال]

طالبكّ .! عودي وأنا اللي لو بعدتيّ تسهرينه
ــــــــــ طالبكّ شوفي وش اللي لبسّ إعظامي ذنـوب



مابعد الغياب

شعر يرد الروح

العطاوي

سلامة غيابك

ونص تستاهله ابعاد وحنا

هتان

[سحايب شوق]

طالبكّ .! عودي وأنا اللي لو بعدتيّ تسهرينه..طالبكّ شوفي وش اللي لبسّ إعظامي ذنـوب

بيت عن قصيده .. صح قلبك

[خالد صالح الحربي]

:
قصيدةٌ أكثر من جميلة أخي : عبدالرحمن ،
بحرها ساحر وَ قافيةُ صدرها أكثرُ سحراً وَ رحابَة !
أعجبتني كثيراً برقّتها وَ بِشَفافيّتها وَ بتماسكها .. أيضاً .
وعلى ذلك وَ لذلك أوقّع بإمضاء : الرُّوح ،

[الْنَّدَى عَبْدِالْرَّحْمَن]

,*
,
تجود السماء بالمطر
ويجود حرفُك بطهر كما الفضاء الرحب00
ليرسم للدروب فيافي وغروبٍ وشحوبّ00
وترسل أشعة الشمس ألسنتها بكبرياء00
لتحرق ضيقة الألم00وفجاج الشوق والدمعّ
كما لحرفك شموخ ونقاء وابتهال00
ولغرامك صيحات المنال000
أخي عبدالرحمن00
تلبسُكِ الروعة00ويفتخ ــر/ بك الشعر00
ويجني منكّ وهجٍ وضياء00
أختك00
الندى بنت عبدالرحمن00

[م.سعد الغامدي]

عبدالرحمن
انت شاعر رائع وهذه شهادة حق وليست بإشاده ..

صح قلبك ولاهنت

لك خالص التقدير


.

[خالد العقيل]

عبدالرحمن العطاوي
سعيد بــ مروري هنا
ومصافحة هذه الرائعه
تقديري

[عبدالرحمن مازن العطاوي]

.
.

سحر المساء


لاهنتي على مرورك وصح بدنك


تحيتي لك


.
.

[فيصل الحلبوص]

عبدالرحمن مازن العطاوي



لله درك



كل قصيدة اقرأها لك تبهرني


صح لــسانك وسلمت يمناك



على هذا النص الرائع




لك كل الود والتقدير يا ابو مازن

[عبدالرحمن مازن العطاوي]

.
.

الغالي

فيصل

في ذمتي انك غالي وبارك الله فالمنتدى اللي جمعنّا ياعمي


صح بدنك ولاهنت
تحيتي لك

.
.

[مليح عياف الرويلي]

القدير

عبدالرحمن العطاوي




ابيات في قمة الروعه




لها نغم ساحر في النفس



استمتعت كثيرا



فشكرا لقلبك



دمت بود

[أحمد الكميان]

العطاوي

وجو الرياض

صح قلبك

الى القمم دوماا

[عبدالرحمن مازن العطاوي]

.
.
.

الغالي
فيصل

ولك مكانه يعلم الله ايضآ غاليه وكبيره في قلبي
صح بدنك ولاعدمتك


تحيتي لك

.
.

[عبدالرحمن مازن العطاوي]

.
.

ميرال

صح بدنك ولاهنتي على مرورك
تحيتي لك

.
.

[عبدالرحمن مازن العطاوي]

.
.
شاعرتنا سحايب شوق
صح بدنك ولاهنتي على مرورك

تحيتي لك

.
.

[عبدالرحمن مازن العطاوي]

.
.

الغالي

خالد الحربي

لاهنت وصح بدنك

وحضورك هنا شرف


تحيتي لك يامبدع

.
.