ـــــــــــ الحاجة أم الإخـتــراع ــــــــــــ

[ثاني الدهمشي]

مساء الجمـــــال لكل من مرّ من هنا ..

:






لي واقعٍ غصـبٍ علـي ارضابـه=شيٍ مقـدّر لـو جهلـت اسبابـه
لكنّ من بـاب العضـه والعبـره=فكّرت باللي ما حسبـت حسابـه
بالغالي اللي لـه نـذرت أيامـي=واللي لهـا لـذّه وهـي تشقابـه
من سبّته .. عقلي ليا جـا مقْبـل=كنّه يقـول لخافقـي وش جابـه؟
يـدري بعاطفتـي عليّـه تغلـب=بالذات من يبـدى معـاي عتابـه
واكبر قهر لي يوم حظـي جانـي=وابدى ( بغدر اقرب خويّ ) اعجابه
كنّـه يحـسّ بـإنتقامـه منّـي=لأني ليـا جـا بالقصيـد اغتابـه
وشعري مصيبتْه العظيمـه بإنـه:=ينساب بي قبـل اكتبـه وانسابـه
وليا حكت نفسي معـاي بغيـري=تسلـك متاهـات ودروب الغابـه
المرعبه والمظلمه فـي صـدري=أشجارهـا نـاسٍ معـي كذاّبـه
ان جادلوني بـأي شـيّ بعينـي=شفت اختلافـي بينهـم متشابـه
من طيب قلبي كنت احسْب اقساهم=يحبّنـي لا صـرت عطـر ثيابـه
بس انصدمت بيوم شفت اطيبهـم=ضـدّي يحـدّد مخلبـه وانيابـه
لو تجحد خدودي دمـوعٍ سالـت=يشهد عليهن " اصبـع السبّابـه "
حتى الأمل فيني عجزت أوصل له=في داخلـي عنّـي مقفّـل بابـه
عنقود عمري هو ضحية حزنـي=يقطف وياكل مـن لذيـذ اعنابـه
لكن معـوّد نفسـي ومـن مبـدأ=( الحاجه أم الاختـراع ) ولابـه :
إلا بويـتٍ كاتبـه مـن مبـطـي=ليـا تضايـق خاطـري غنّـابـه
إمّا الزمـن ماهـو زمانـي وإلا=إنّي انا اللـي مـا فهمـت آدابـه


:

وسلامتكم ..

[فيصل بن عسكر المهلكي]

ثاني الدهمشي

تتقزم الكلمات امام مدّ حرفك الجارف

وكان لي شرف تصدّر قائمة الحضور

للشِعر / الشاعر ثاني الدهمشي

سألزم الصمت في حرم الجمال

ودي

[عبدالعزيز رشيد]

ثاني الدهمشي
قبل هذا النصّ انساب منّي التعبير وقلت من أجمل ماقرأت لك والآن أقول بأن هذا النصّ مختلف
هنا بأريحيّة متمكّنة كتبت النصّ بترانيم أوزانه
والأعجب من هذا كلّه بعض المقاطع التي لاتأتي إلا من وقفة تأمّل لأشياء عابرة ولايتم كتابتها إلا بـ عقلٍ يدرك جيّدا ماهيّة الأشياء باختصار بـ شعر يجيد التعبير بودقّة ملفته
مقاطعٌ كثيرة لأنّها اختصرت الكثير طمعت بها ذاقتنا لـ تلتقطها فنحتفظ بها لـ نعبّر بها
ألف تحيّة لـ روحك ولـ حروفك

[نواف التركي]

ثاني الدهمشي


تبقى المبدع الذي أعرفه

بكل حالاته لايقبل بأقل من التميز

دمت بخير

[م.سعد الغامدي]

في كل ماقرأت لك
أجد أن البيت الأخير هو الجسد

صح قلبك ولاهنت

إحترامي

.

[أحمد الكميان]

نص جميل من شاعر اجمل

على بحر الهلالي اللى يطرب قلبي اجراسه اللذيذه

الشاعر ثاني الدهمشي

كم انت مبدع

وكم انا معجب بحرفك


إمّا الزمـن ماهـو زمانـي وإلا
إنّي انا اللـي مـا فهمـت آدابـه


فهمت من البيت الشي الكثير؟؟...............


صح منطوقك

واعلم انك من اول الاسماء التي اعجبتني

تقبل فائق احترامي

الى القمم دومااا

[خالد العقيل]

ثاني الدهمشي
سعيد بـــ مروري هنا
دمت بـــ هذا التألق
تقديري

[عبدالرحمن مازن العطاوي]

مساء الجمـــــال لكل من مرّ من هنا ..

:






لي واقعٍ غصـبٍ علـي ارضابـه=شيٍ مقـدّر لـو جهلـت اسبابـه
لكنّ من بـاب العضـه والعبـره=فكّرت باللي ما حسبـت حسابـه
بالغالي اللي لـه نـذرت أيامـي=واللي لهـا لـذّه وهـي تشقابـه
من سبّته .. عقلي ليا جـا مقْبـل=كنّه يقـول لخافقـي وش جابـه؟
يـدري بعاطفتـي عليّـه تغلـب=بالذات من يبـدى معـاي عتابـه
واكبر قهر لي يوم حظـي جانـي=وابدى ( بغدر اقرب خويّ ) اعجابه
كنّـه يحـسّ بـإنتقامـه منّـي=لأني ليـا جـا بالقصيـد اغتابـه
وشعري مصيبتْه العظيمـه بإنـه:=ينساب بي قبـل اكتبـه وانسابـه
وليا حكت نفسي معـاي بغيـري=تسلـك متاهـات ودروب الغابـه
المرعبه والمظلمه فـي صـدري=أشجارهـا نـاسٍ معـي كذاّبـه
ان جادلوني بـأي شـيّ بعينـي=شفت اختلافـي بينهـم متشابـه
من طيب قلبي كنت احسْب اقساهم=يحبّنـي لا صـرت عطـر ثيابـه
بس انصدمت بيوم شفت اطيبهـم=ضـدّي يحـدّد مخلبـه وانيابـه
لو تجحد خدودي دمـوعٍ سالـت=يشهد عليهن " اصبـع السبّابـه "
حتى الأمل فيني عجزت أوصل له=في داخلـي عنّـي مقفّـل بابـه
عنقود عمري هو ضحية حزنـي=يقطف وياكل مـن لذيـذ اعنابـه
لكن معـوّد نفسـي ومـن مبـدأ=( الحاجه أم الاختـراع ) ولابـه :
إلا بويـتٍ كاتبـه مـن مبـطـي=ليـا تضايـق خاطـري غنّـابـه
إمّا الزمـن ماهـو زمانـي وإلا=إنّي انا اللـي مـا فهمـت آدابـه


:

وسلامتكم ..


فعلآ


مساء الجمال هنا ياثاني
لقاء جميل في قناة المختلف / قصيدة مالقيت بيت انسخّه من جمالها .!
وبعد كل شي .!

بيني وبينك .!


الدهامشّه لهم تقدير خاص وغلا من هنا لمحلهم
صح لسانك ياثاني ولاعدمناك


تحيتي لك

.
.