عربنا سات

[فالح البريكان]

اذا صافي من الدنيا ملام وتلحقك شرهات = ياحظي صايبك مرمى كريم ومنزله عالي
عط المقسوم لاتطغى على حسناتك السيات = تحدى ظروفك المده ولو ان الثمن غالي
ولو ان اللي بقا ذكرى قديمه والحياه اوقات = طويل(ن) ساقها المدّه وعرض(ن) ماله الوالي
انا قضّيتها فتره عصيبه كل ابوها آهات = من اوّل لآخر الدنيا طويله مالها تالي
تحدّيت اليقين اللي على شوف العيون اشتات = يعيد من القمر مسراه بين البدر وهلالي
واخذ مني على كوع الشقا وقفه وعشر ابيات = وانا فكّرتها ميزه بشعري لاتشكّالي
مالوح في سمانا الا مرايا من عربنا سات = يكيل الثقل من حجم الذنوب الوان واشكالي
زمان وفات مايطرا بشين وتلحقه شكات = على وضح النقا الصوره بدون ابعاد واظلالي
تجمعنا على حسب الزمن في عمرنا ساعات = على لون السما جيره وعلى صفو الهوا آهالي
على طريا التقدم ماجمعنا قروب ولا شات = وعلى طريا الحضاره مانقصنا بالغلا مالي
صغينا الاذن مسمعها ومقسوم اللسان سكات = ونسجنا بالخيال حلوم زادت كل آمالي
طوتنا غيرة الضيعه على قيد الحياه ومات = وروينا دمنا غدر الزمان الصافي زلالي
نصيب وقاسمه ربي علي بعمري اللي فات = وعسى الله يسعد الباقي واعيشه منشرح بالي
يمين ان ماهداه الرشد في وطالت الغيبات = لاشيّد بالزمن تمثال جوره جنب تمثالي
وانادي للنجوم شهود تثبتله خطاه ثبات = وتكشفله مدى حلمي ويعرف قدره الغالي
ترى الكلفه غدت بين اليدين وماعطاني هات = مادام ان السما سودا نشوف نجومه تلالي
وانا لاشفتها طرفه على ناظر زمن مابات = زهمني طاري الشده اعيش بعمري لحالي

[عبدالعزيز رشيد]

الجميل\فالح بريكان
ولاتزال تأتي محمّلا بالشعر بـ صوت رأيك
ولازالت تراحيبنا تأتي اثر كلّ حضورك لك
تحيّة وودّ

[سعد المغري]

الله عليك .

أدخلتنا بعالم ثاني..

صح الله لسانك.

بحر شعر يافالح..

لاهنت

[زويد الرويلي]

وابل من الشعر.

فالح البريكان

جزله من راس جزل

صح لسانك مدد بلا عدد

دمت بود

[محمد الضويحي]

فالح البريكان / مساءك مطر

وصح نبضك وفكرك

قصيده لها بعدها


تقديري