عبدالله سماح المجلاد
01-16-2008, 08:21 PM
أهديكم
هذا النص المتواضع
ليلتي هذي غنيّه بالغرام ودسمه=جَمَّعَتْنِي فيك ياعز البشر واغلاها
دمع مزن،وعينك النجلا،وضحكة نسمه=وقلب يكتب لك قصيده مُقْلِتَك تقراها
مرحبا يَامِنْ على خدَّينها مرتسمه=حمرة ورود الخجل باحلى الصوّر وابهاها
يامساالخيرات ياتفاحتين ابْـ(رَسْمَه=فوق لوحة صدرك اللي تهت في صحراها
وسديني متعب الكتفين ضيّعت اسمه=هو شعر،وِلاَّ خيوط الشمس ذا منشاها
أرض حبك يَامِزَعِلْة النسا،منوسمه=لفّها ثوب المزون الضافي وغطّاها
لين وجهك يالثرى العاري تغطى جسمه=من بساتين الربيع وذوها يرعاها
يالله ابتسمي عسى روحي فداذا البسمه=يا هنوفٍ ينسكب شهد النحل بشفاها
الورود اليانعه في شِفْتِك مبتسمه=بَلّها قطر الندى من مَنْهَلِكْ واسقاهـا
كان مااصبحتي بخت عمر/ونصيب وقسمه=والله انيّ لاَ انْحَر اعروق الغلا برضاها
والغلا ميراث قلب ومانبي نقتسمه=وانتي الثروه من ادنى الروح لين اقصاها
والمسائل كلها الليله معك منحسمه=ياعنودٍ لو يطوّل بُعْدَهاَ ماانساها
استريحي في سويدا القلب مثل البصمه=أنتي اول سالفة عمر الهوى واتلاها
عبدالله سماح المجلاد
هذا النص المتواضع
ليلتي هذي غنيّه بالغرام ودسمه=جَمَّعَتْنِي فيك ياعز البشر واغلاها
دمع مزن،وعينك النجلا،وضحكة نسمه=وقلب يكتب لك قصيده مُقْلِتَك تقراها
مرحبا يَامِنْ على خدَّينها مرتسمه=حمرة ورود الخجل باحلى الصوّر وابهاها
يامساالخيرات ياتفاحتين ابْـ(رَسْمَه=فوق لوحة صدرك اللي تهت في صحراها
وسديني متعب الكتفين ضيّعت اسمه=هو شعر،وِلاَّ خيوط الشمس ذا منشاها
أرض حبك يَامِزَعِلْة النسا،منوسمه=لفّها ثوب المزون الضافي وغطّاها
لين وجهك يالثرى العاري تغطى جسمه=من بساتين الربيع وذوها يرعاها
يالله ابتسمي عسى روحي فداذا البسمه=يا هنوفٍ ينسكب شهد النحل بشفاها
الورود اليانعه في شِفْتِك مبتسمه=بَلّها قطر الندى من مَنْهَلِكْ واسقاهـا
كان مااصبحتي بخت عمر/ونصيب وقسمه=والله انيّ لاَ انْحَر اعروق الغلا برضاها
والغلا ميراث قلب ومانبي نقتسمه=وانتي الثروه من ادنى الروح لين اقصاها
والمسائل كلها الليله معك منحسمه=ياعنودٍ لو يطوّل بُعْدَهاَ ماانساها
استريحي في سويدا القلب مثل البصمه=أنتي اول سالفة عمر الهوى واتلاها
عبدالله سماح المجلاد