اللغز الرابع عشر ( 5 × 1 )

[فيصل البندر]

اخوتي الأعزاء


اليكم اللغز


انا بنشدك عن بنتن تجر الصـوت والمـوال=ولاتسمع غناها غيـر لامـن شانـت النيـه

لها وسط البلد قيمه لهـا بالمرتفـع منـزال=ولاغنت ضعيف العقـل منهـا هـل عبريـه

ولا ياويش رجلٍ لابغيته فـي لزومـه مـال=ودمه كـل مايمشـي يذره وسط حوريـه

وانا بنشدك عن بنتٍ توسط في ثلاث اعيـال=سكنها ستة ارجالٍ لهـم قيمـه سياسيـه

وانا بنشدك عن رجلٍ بوسط ديارنـا ماجـال=سمعنـا فيـه لكـن ماحكمبـه بالسعوديـه

انا بعطيك وصفه كل ماشفته نحيـل الحـال=وحيد العين في ضيفه تـرى مافيـه ماويـه

ونا بنشدك عن رجلٍ ترى له بالهدى مدهـال=وخوه اللي مثل وصفه سكن بقصى الحناكيـه

[عبدالله ثويني المانع]

..

فيصل بندر ..

دام هذا التواصل الفكري الجميل

بانتظار من يتمكن من حل هذه الألغاز
للمتعة............... والفائدة

لك الشكر والتقدير .. أرق التحايا لقلبك

..

[سطام الصعب]

فيصل

كم حل لهاللغز .؟

[فيصل البندر]

اخي عبدالله المانع

الشكر موصول لك على هذه المتابعة الجميلة

واتمنى ان ما اقدمة يحوز على رضاكم واستحسانكم

ولك اجمل التحايا

[فيصل البندر]

اخي سطام

هناك خمسة حلول لها


يعني (5×1) :)

[عبدالله الشمري]

الأخ العزيز/

فيصل البندر


أرجو أن تجد في الأبيات التالية ما تبحث عنه .....


ألا يا فيصل البندر هلا بك عد وبل سال=وعدد ما غرّد القمري على الأشجار عصرية
بعد ما أهديك باقة ورد أحب أنشدك "كيف الحال"=وأحب آخذ معك وأعطي بالأخلاق الرياضية
أنا لي خاطر يسلى مع اللي يضرب الأمثال=وأنا واللغز وقّعنا ثلاثين اتفاقية
ترى "صفارة الإنذار" لا دقت يصير إشكال=وترى "هوز المحطة" نعرفه مليون بالميّة
وأظنك تقصد إن "شبه الجزيرة" من سهل وجبال=حكمها رجال قمة شكّلوا قمة خليجية
"وحبل المشنقة" موجود في بعض الدول لا زال=وحكم المملكة بالسيف والأحكام شرعية
وحرف " الها" من حروف لها وسط الحشا مدخال=يذكرني هوا اللي ساكنن وسط الصباحية

[عبدالله ثويني المانع]

..

عبدالله الشمري .. لدي ثقة أن أبياتك حملت الحلول الخمس

..

فيصل لا تتأخر

شكري ومودتي لكم

..

[فيصل البندر]

عبد الله الشمري

اولاً : اهلاً وسهلاً بهذا التواجد

ثانياً : الأحوال ابشرك على ماتحب وطيب دامكم طيبين

ثالثاً : صح السانك مرتين على الأبيات الأكثر من رائعة

وعلى حلول اللغز نعم اجاباتك كلها صحيحة .