[ .. أبوذيـــات .. ]

[الريـــــم]

ثوب الحزن بفراقك لبسنه
وثقيل الطبع طبعه لو لبسنه
ولك خدك ماوصلناله لا .. بسنه
تزعل ليش يمدلل عليــه ؟!

[الريـــــم]

تظل صاحب فضل وشكبر فضلاك
وخلقي ما فضه إلغيرك وفضلاك
أميزك عل [ خلگ ] كله وفضلاك
وبسمك احترز صبح ومسيه


* على فكرة نسيت أقول ترى [ ملطوشة ]
:)

[الريـــــم]

عليك الليل كله انه ونه
ومعاك العتب هسه آن أوانه
أتهدد بالنفاها انه .. وانه
وينك مو طبك دهر العليه

[الريـــــم]

غرامك أثر بالعشق وداره
هجرت اللي تعب وياك وداره
سمعت بقيس عاف أهله وداره
حملت الضيم وهمومك سويه

[الريـــــم]

منو مثلي تعب لجلك وداراك ؟
جهنم لجلك أتحمل و (داراك)
عسا من غيرك يسمر وداراك
ابسقم لا للحيا ولا للمنيه

[الريـــــم]

ياقلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وقت اشبقه عندك إليّه

[الريـــــم]

قضية اسمك على اسمك ماشخطنه
ازدحام احنه على دربك وماشي خطنه
شتظن من قد حلاتك ماشخطنه
إليشوفك ينشخط مية بالميه

[الريـــــم]

حبيبي شأرد أسولفلك...ولقدر
والهموم مبن ماعاين...ولقدر
إلي جان وقتي ...ولقدر
وصرت انته والوقت عليه

[الريـــــم]

نوبه حلوات الليالي نوبه...مرات
وحبيبة الروح علي ما...مرات
مو مره إلخنتي يحبيبه...مرات
تخونين وتصح بيه الأذيّه

[الريـــــم]

هذه الأبوذية عن صديق غدر بصديقه المغدور يقول :

ولو مايسوى كلمة من اكتبه
ولكن سالفة ونكتة نكتبه
شنو حكم الغدر صاحب نكت بيه
عليه إلتف غفل لفة الحية




الجواب من أحد الأصدقاء الخيرين :

العقل بأمر الصديق أرجوك حكمة
وبدال النكتة خلي إيكون حكمة
إليغدر صاحبة مو مهم حكمة
المهم شلون نتلافه القضية

[الريـــــم]

القلب عااف النااس كلها و إلك راد
تـ غرب عااش بوطانه و إلك راد
العرب ما طيبو علتي و إلاكراد
و انا المظلوم و انت تزيد بيه !






شُكراً لِمنْ بعث بِها :)

[الريـــــم]

صرت قهوة لحبيبي بوسط فنجان
فن انس إلّي يوصله فن جان
إذا العاقل نظر لك نظرة فنجن
وانه المجنون وتقِلي انظر إليه



* مهوب مني من تأثير القهوة الشمالية :)

[الريـــــم]

أنه إلحزت الصبر والصبر حزني
وألف وسفه اعلة سيف الظلم حزني
البحر إلبيض لون يلفيه حزني
يصير أسود بلون الليل مية



[ يا سااااااتر ]

[الريـــــم]

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

[الريـــــم]

حلو إسمك وأبوك شلون سماك
حبيبك لو زعل وياك سماك
صرت سمچه وانت الصرت سماك
لو طحت بحنانك إعطف عليه

[الريـــــم]

احبك من جنت جاهل واناحباي
مابطل وني عليك ونحباي
لون ينقضي نحبك ونحباي
يتلاقه هوانا جوه الوطيه

[الريـــــم]

جنت أنت المرض وأنت دوالي
وصارت بالجدم منك دوالي
أهديتك گلبي وتگلي دولي
وصرت دم ودمع تذرف عليه


الترجمة :) :
جـ = كـ
گـ = قـ

[الريـــــم]

جمر دمعي عله خدودي ترى سال
قطعََّتّّّّ أخبارك حبيب تراسل
انه انسليت من هجرك ترى سل
وتوّن الروح وتريد المنيه


انه = أنا
عله = على

[الريـــــم]

لي تحفظات على هذه الأبوذية ولكن أقرؤها :


وحق عيسى وحق مريم والأحد
بعدهم ما تهل عيني عله أحد
حفر قبري من أخذ روحي ولحد
وقروا الأنجيل من صلوا عليه

[الريـــــم]

زماني شما لعب بيه...ولهتم
والراده علي يسري...ولهتم
بروحي شما تغيرتوا...ولهتم
لان حبكم دوه لكل مرض بيه

[الريـــــم]

قلبي من الحزن ورث...وعطاب
وعيني اعله الطالع...وعطاب
حنيت لزادك وملحك...وعطاب
لأن بس ملحك إلغزر بيه

[الريـــــم]

جيتك وبظلام الليل ...عناي
وعزفت بروحي مية جرح...عناي
بعد ما ظنك تنشد...عناي
بعد هجرك يروح الروح إليه

[الريـــــم]

بنات الوقت يا ناس...مرضني
يرضي بيهن القلب...مايرضيني
مره يقيني يصيب وياهن...مر ظني
ظني بكيدهن ميه بالميه



قرااااادهـ :)

[الريـــــم]

فراقك هدني ولا خله بيه أبد حيل
وياهو اشكيله يقلي يستاهل وألف حيل
كلما تدوس على قلبي أقولن بعد حيل
دوس وخلي الوجع يزداد بيه




ضعيّف :)

[الريـــــم]

نساك إلطلع بره ونـتـناسه
يالعراق أنت أهله وإنت ناسه
يذكرك تراب الوطن وأنت ناسه
لاتنسه الفرات من شربت ميه



أيييييييييييه :(

[الريـــــم]

لوما شفتك انه
متت من العطش لوما ... شفتك انه
اذا ما شفتك انه .... شفتك انه
ابكل الناس من تقبل عليه

[الريـــــم]

يمرمرني ويصيحن بيه همال
وترك دمعي عله الوجنات همال
تعدل حالي وبفرقاه هم مال
تركني وراح ريته يعود إليه

[الريـــــم]

تغيب الروح بغيابك واردها
كتاب جفاك من عندك وردها
روحي بفرقتك يذبل وردها
شمس انت وتنور الدرب ليه

[الريـــــم]

تلوعنه وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه

[الريـــــم]

همت وإنسلب عقلي وزاد مرضاي
على إلْمر ماشفت شخصه مر ضاي
لوِن بات الترف بحشاي مرضاي
لِقَهْ اقرب يهل مبعد عليه

[الريـــــم]

مــوال :

http://pages.6arab.com/singers-ar/north/pics/7atem-2008-draft-page.gif


[ حبيبي لخاطرك جيتك تلّقاني وأنا شوصف محبْتك يعجز لساني ] (http://iraqnaa.com/iraq/7atem-al3raqe/7atim..(mawal)-7abebi-le-5a6erak.ram)

[الريـــــم]

بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عرقك هاي هيه

[الريـــــم]

لو رِدت الحبيب اتشوفه ينشــــاف
وطيبلك جرح بضــــماده ينشـاف
اخبرك بل حبيب اشلون ينشـــاف
بس ضيف الاميل وهاي هيـــه

[الريـــــم]

سماح اطلب انا المنكم وهدنـــه
كمش بيد التعورنه وهدنـــــه
جبل راكَع خجل جيتك وهدنـــه
اصير اتراب ونته اسحكَ عليه

[الريـــــم]

وحق رُمْضان واشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه

[الريـــــم]

[ مـــوال ]

http://filfan.filbalad.com/images/NewsPics/Medium/Hatem-Al-Iraqi_1.jpg


[ إذا دمعي نهر أبجيهْ كُلّهْ عليك وأخلي الروح دوم إبّعدك تعاني ] (http://iraqnaa.com/iraq/7atem-al3raqe/7atim..a7ebak(mawal).ram)

[الريـــــم]

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه

[الريـــــم]

عجب خلخال ساقك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه

[الريـــــم]

تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

[الريـــــم]

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــظه سويه.

[الريـــــم]

وسط گلبي يظل طابع وسمهه
عسل صافي حلو مرها وسمهه
صفيت متيه باسمي وسمهه
لان هيه النجم وآني الثريه

[الريـــــم]

الدنيا خلافك وحشه ومره
ولا منك بعد جيه ومره
صورك مره اضمّنها ومره
اشوفنها توج نيران بيه


[ واااااعزتي لهْ .. ! ]

[الريـــــم]

أحبه وما أحِب واحد بداله
وياذنب إلْبِدَهْ مني وبداله
إلْكَ منصوب بقليبي بداله
خطك على النبض يشتغل بيه


[ يضرب الحُبْ شو بيزِلْ :) ]

[الريـــــم]

[ .. مـــوال .. ]

http://www.al-jazirah.com.sa/90126/at5.jpg



[ أحبّك من زمان وخايف أحجيلك صار سنين كلمةْ بصدري خافيها ] (http://iraqnaa.com/iraq/7atem-al3raqe/7atim-al3eraqi..a7ebek..(Mawwal).ram)

[الريـــــم]

حبيبي اليوم مابين ومايه
وبهجره نشف دم القلب ومايه
جبتله نانسي واصاله ومايه
وطلع يدور هيفا وهبي عليه


:D

[الريـــــم]

نثرت دموعي للأسمر والأكحل
وصبغ وجانتي على خدودي ولك حل
صدقني سهل أنت ولك حل
أحلك لو ترد أنت عليه

[الريـــــم]

على ضيم الهوى ياروح علمي
وبيها ارفعت آني اليوم علمي
اسالتها المستوى وتقول علمي
بخامس باء يالتسأل عليه


:)

[الريـــــم]

قلبي أنت ملكته وأنت حر بيه
عليل وطبي عندك وأنت حر بيه
كاس السم أشربه وأنتحر بيه
إذا غيرك يمس أطراف أدية



هذا الحُب وإلا فلااااا :)

[الريـــــم]

باب الدار بجفوفي لحني
وحنين النوق ما يوصل لحني
وطيت لكن أسهمك لحني
بوسط قلبي وطبيبي احتار بيه

[الريـــــم]

هلي وياهم چنت عايش بلاهم
ونهاري شماضوى مظلم بلاهم
هلي مدري الوقت شنهو بلاهم
ولاهم اعرفوا بالصار بيه

[الريـــــم]

حبيبي لا تظن أنساك ولهه
دوه الروحي غرامك صار ولهه
الشفه والعين ترد عليك ولها
تدعيلك كل صباح وكل مسية

[الريـــــم]

يلوم إلمادره بروحي شمرها
مايدري الدهر عن ودهم شمرها
ليالي إفراكَهم والله شمرها
أمر من المنازع بالمنيه

[الريـــــم]

بتاج الفرح ولــفي توجاني
وحسِّن ردلي شبابي توجاني
من اثمار المحــبة توجاني
قلبي إلْشِبِعْ ضيم مـن الأذيـــة

[الريـــــم]

همي من كـــثر يذبل وراها
ونار القلب مــا يخمد وراها
كل شده يـــهل وادم وراها
فرج ، والفرج من رب البريــه

[الريـــــم]

روحي برشف خدك من عداها
احب وصلك وهابك من عداها
افراقك يوم احمله ، من عداها
ازورك لو تصير احزاب اليه

[الريـــــم]

[ .. مـــوال .. ]

http://www.kuwaitgo.com/songs/iraq/Khaled-Iraqi/khaled-al3erake.jpg

[ لا تبجين أموت ولا أشوفن دمعة عيونج شِلِي آني بحياتي ودنيتي بدونج ] (http://iraqi.salmiya.net/songs/khaled-iraqi/ram/khaled-iraqi51.ram)

[الريـــــم]

حمامة إلْفرت من إيدي ولاجت
وعليها الروح تتعـذب ولاجت
من أمس لليوم لاحطت ولاجت
ولا إلْها جدم بــرض الوطيه


جدم = قدم

[الريـــــم]

يصاحب لو تشوف اشلون كتماي
على عيوني ويسح الدمع كتماي
اشما اصبر الروح سر الهوه كتماي
تحن وتهيّج الساكن عليه

[الريـــــم]

الأبوذيــة

ضرب من ضروب الشعر الشعبي وهو مؤلف من بيتين بأربعة اشطر ثلاثة منها في جناس واحد تتحد في اللفظ وتختلف في المعنى وينتهي الشطر الرابع منه بحرفي ( الياء والهاء ). وللابوذية اطوار عديدة يصعب على غير المتمرس التعرف عليها.
اما عن اصل كلمة (الابوذية) فاغلب الظن انها قد جاءت من كلمة الأذى وذلك لما يتحمله صاحب الابوذية من صعاب تجعل منه يقول شعرا يحمل اهات ولوعات . وعلى خلاف ما هو شائع من ان الابوذية يرجع الى اصول فارسية، فهو من بحر الوافر ( مفاعلتن مفاعلتن فعول ) . اضف الى ذلك ان تركيبة الابوذيه لم يطابقها في الفارسيه نظماً مشابهاً له لا من حيث المعنى ولا من حيث العروض النبطي والذي لذا فان (الابوذيه) هو فن من الفنون الشعبية العراقية الريفية الاصيلة وهو ترجمة حية لاحاسيس ومشاعر انسانية عاشها الانسان العراقي خلال حقب متراكمه من الزمن . فراح يجسد ويترجم معاناته بلهجته الخاصة وحسب الحوار اليومي الذي يدور في منطقته وكثيره هي اللهجات المحليه في المدينه والريف والباديه وتختلف مفردات حوارها من منطقه الى اخرى . فأبن الريف قد ترجم معاناته بالابوذيه وغيره من الوان الغناء الريفي ، وابن الباديه ترجم احاسيسه (بالحدي والسامري والهجيني والمسحوب وغيرها ... ) . والانباط ترجموا معاناتهم بالشعر مازال منتشراً في الجزيره العربيه .

[الريـــــم]

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه

[الريـــــم]

أحبابي اشلون حالتـكم بعدنا
اشبدينا والوكَت عنـكم بعدنا
إذا انتم نسيتوا احنا بعدنا
أبذكركم كل صباح وكل مسيه