(( صـمـتـــ الـبـــوحـــ )) ..

[محمد العمرو]

..




نكبر ويكبر حبنا .. ونتأمل
باللي جنينا من خطايا / يدينا
..
يضحك جوابي كل ماجيت .. تسأل
( صحيح راحت يامحمد / علينا ..!! )


..

[محمد العمرو]

..




اخفيت نورك واحتـفيت ابظلامك
... واسهرت عينك للبكاء والندامه
..
أصحيت جرحٍ كان وده ينامك
... بين الضلوع الهايبات ابغرامه



..

[محمد العمرو]

..


جيتي بعد ماطرز الشيب راسي
... والعين خاوت حزنها واستخارت
..
جيتي ونبض العشق للود ناسي
... ريشة غلا من هبة الوقت / طارت ..!




..

[محمد العمرو]

..



جُملة حكايا والندم يعصر الوقت
... واحتارت الحزات من ركْز .. شمعي
..
( يُمّه ) ورب البيت لِمهادك اشتقت
... ياللي على شانك تحاليت ... دمعي






..

[محمد العمرو]

..




عطورك بالدفا ( يُمه ) لها في خافقي .. جمهور
... وريحة ضمممة اجلالك حبسته داخل .. اعظامي



..

[محمد العمرو]

يندم ضميري واختفي عن كياني
... واعآند ايامي على صمْت يومي
..
وبين المعاني واختلاف .. الأماني
... ألقاك ساكن في خفايا هدومي !
..

[محمد العمرو]

دآيم على غيبة صحنها تجيني
... خيال واسع كله حساس واصرار
..
ومابين طيفك وابتسآمآت عيني
... أذكر بيوت العام والقآك تذكآر
..

[محمد العمرو]

لاتهل الدمع إلا في صلاتك
... وانت ساجد طالبٍ ربٍ كريم
..
تنفعك يالعبد في برزخ وفاتك
... والرجال اتجاور اقبوره / حريم ..!