ذكريات (أنثى ) بالسعوديه..

[أصيله المعمري]

أترك هنا خلفي...بعض ملامح من حكايتي قبل أيام في بلاد الطهر...لعل أحد منكم كان البطل معي في أحد المواقف الماضيه؟!!

[أصيله المعمري]

الموقف الأول: ألعب مع أطفال سعوديين؟
الزمن: الساعة 11 ليلاً
المكان: امام فندق طيبه...



ولا شيء...أصيله راجعه من السوق مع اخوانها..كانوا في أطفال سعوديين...وقاعدين يلعبون (كوره) قدام الفندق...كلمتهم: قلت: مرحبا؟؟؟
قال واحد منهم: هلا واللله
قلت: ألعب معاكم؟
قال: ايوه...تعالي نخليك تلعبي معانا؟؟وهو مستغرب...شفيها هذي(مجنونه)..
ولا شي...مسكت الكوره..ورميتها على واحد ثاني؟
والفريق كله مستغرب؟
شوي
اجوف ...كل الناس تطالعني؟؟
أمسك نفسي..وأدخل الفندق على طوووول...
والولد....يناديني...تعالي ما عليك منهم...هذولا يطالعون كل حد؟؟

/
\
/
\

[أصيله المعمري]

الموقف الثاني: أثيله عثوله..
المكان: مركز نجد التجاري/ مكه
الزمان: الساعه 12:30 ليلاً...


كنا في محل إسمه (تذكار)..محل هدايا وكذا... فأخوي قاعد يشتري هدايا ...قلت له إشتري لي..ميدالية تلفون..وقوله يحرق عليها إسمي..
فلـ ما ( الريّال) جاء عشان يكتب إسمي
قالي :عفواً الاخت: الاسم الكريم ..الله يخليك؟؟
قلت له جوف..أكتب أثيله عثوله؟؟
قال: عفواً...
قلت له: أنا أسمي أصيله...بس لما صغيره كانت (الصاد) تطلع (ثاء)...فأكتب أصيله عسوله...ولكن بلساني أنا
فـ تكون أثيله عثوله..؟؟
الريال: (منصدم،، إيش الهبل هذا)...يكتب وهو ميت من الضحك..
فلما آخر شي...جاء يحاسب أخوي..قعد يقول
خمثه..خمثتعش...خمثه وعشرين..خمثين..خمثه وثبعين..خمثه وتسعين..والخ الخ؟؟؟
/
\
/
\
/
\

[أصيله المعمري]

الموقف الثالث:أصيله مع 3 شباب في المسجد النبوي؟!!
المكان: مصلى النساء/المسجد النبوي
الزمان: بين صلاة المغرب والعشاء

كان بعد صلاة المغرب..وكنا متعودين ما نطلع بعد صلاة المغرب...ننتظر صلاة العشاء..
فكانت عدالنا...مره سعوديه..ومعاها 3 أولاد حلوين..وياحليلها امهم...متعذبه معاهم...لانهم ما يقعدون مكان واحد....بعد صلاة المغرب...صليت السنه وقريت قرآن..وكذا......
قعدت ارمس هالاولاد...وامهم؟؟
والاولاد ...على طول خذوا علي...وقعدوا يسولفون معاي؟؟
واحد اسمه: فهد..واخوه: فيصل..واصغر واحد: عادل..
وكلهم ربشه..وعسل مثلي؟!
وسنهم قريب من بعض..يعني 4 سنوات...3سنوات...كذا؟؟
طلعوا الجماعه من الرياض/ اليمامه..؟
ويضحكوا..ويقولوا نكت..وناسه؟

آذن العشان...صلينا؟
وهم معاي يصلوا..( او يتظاهروا انهم يصلوا)..
وتعرفون حركات الاطفال؟

لما جيت اروح...
ما خلوني..

يقولون لي: لا يا اصيله..ما تروحي؟؟
(أصيله شوي وبتصيح؟؟)
قلت لهم..ما يصير لازم اروح..وانتوا بعد الحين بتروحون؟
فهد يقولي: حرام عليك..تعالي معانا
(أصيله تضحك...ياريت السالفه بهالبساطه)
قلت له: لا حبيبي...انتوا روحوا الحين..
وسلمت عليهم...

وراح فهد
وراح فيصل
وراح عادل

؟
؟
؟

/
\
/
\

[أصيله المعمري]

الموقف الرابع: أنا والعسكري؟
الزمان: الساعه 5 العصر
المكان: الطابق العلوي/ الحرم المكي


اعرف انه التصوير هناك ممنوع...بس كل الناس قاعده اتصور...قمت واخذت تلفوني...واحنا كنا ف الطابق العلوي..وقعدت اصور الكعبه ...وانا واقفة على محاذاة السور؟؟
جاني العسكري؟؟
وانا اصور؟؟
مستغرب اش فيها؟؟ما تخاف؟؟
قالي: الاخت ممنوع التصوير؟
قلت له: مرحبا؟
قالي: ممنوع التصوير
قلت بكل اختصار: صدقني..زي ما انت تخاف على هالمكان...انا أخاف عليه زيك او أكثر منك حتى
العسكري: مندهش...

راح وتركني..
خلصت تصوير...ورجعت!!!

/
\
/
\
/
\

[أصيله المعمري]

الموقف الخامس : اندونيسي يصور (لوحة سياره)
الزمان: الساعه 1:30 ظهراً
المكان: شارع الضيافه..

كنا راجعين من صلاة الظهر...وماشين للفندق...فقدام الفندق فيه سيارات...لفتني واحد اندونيسي قاعد وراء سياره...(كابرس) واللوحه رقم السعوديه...
لما طالعت الاندونيسي شو قاعد يسوي..


انصدمت؟؟؟




يصور لوحة السياره؟

هههههههههههههههه

فهو لاحظ انه احنا قاعدين نجوفه ونضحك عليه..
قام يطالعنا...ويضحك؟؟

/
\
/
\
/
\

[أصيله المعمري]

إنتظروني في مواقف أخرى؟؟


بس قولوا لي شرائيكم بهالدفعه؟

[العـنود ناصر بن حميد]

.
.

صـباح الخـير

أصـيله

أنـا عـن نفـسي

تخـيلـت كـل مـوقـف .. كـأني أشـوفه

قـدامـي


.

.

عـسـل .. وربي


يــا .. أثـيـله :)


ننتـظـر .. القـادم


تحـياتي

.

[أصيله المعمري]

هلا العنود





تسلمين لي يا أختي




وربي يحفظك




شرف لحروفي...هو معانقة شفتيك..





























لك حبي

[هدب]

أصيلة

يعطيك العافية

بنتظار القادم

دمت ِ رائعه

[أصيله المعمري]

هلا



حنين




ربي يخليك




شكرا على التواجد




مودتي

[أصيله المعمري]

للضيوف

وللقراء










مودتي وسلامي للمملكه

[سعود المتعب]

اصيله المعمري

مواقف رائعه

ننتظر القادم

مودتي واحترامي

[أصيله المعمري]

أخي الكريم

سعود المتعب



يكفيني تواجد شخصك الراقي

بين خربشاتي الطفوليه..





لك احترامي ايها النبيل

[جود الرباط]

عشت معاكِ كل موقف يااصيلة

كملي والله استمتعت


مودتي وحبي

جود

[شوق]

مواقف روعة كروعتك

وانا صراحة عجبتني كثير

ولك مودتي

أختكـ/شووق

[أصيله المعمري]

تعرفي جووود


حتى انا كل ما اتضايق


اكون هنا



ارتاح كثير





شرفني تواجد اسمك الراقي


مودتي

[أصيله المعمري]

هلا شوق



يا مرحبا والله


سررت بتواجدك

كريمة انتي كعادتك




تحيتي

[كايد الرويلي]

اثيلة العثوله

ذيك المره سامحتك لما صورتي

ثاني مره لاتعيدينها

:)


بانتظار بقية المواقف

[مشاعل الفايز]

جميل

لما شفت أنثى والسعودية قلت ياستار استر


شكرا لك

[أصيله المعمري]

اثيلة العثوله

ذيك المره سامحتك لما صورتي

ثاني مره لاتعيدينها

:)


بانتظار بقية المواقف




أستاذي : كايد الرويلي



الشاعر والكاتب و...............





لا....أنا فهمتك وجهة نظري..
وانت سمحت لي اعيدها مره ومرتين وثلاث...









تواجدك راق لي كثيرا


مودتي لك ايها الكريم

[أصيله المعمري]

جميل

لما شفت أنثى والسعودية قلت ياستار استر


شكرا لك





هلا مشاعل



ايه والله يا ستار استر مني ومن هبلي ..




الف شكر لتواجدك الثمين


بين ثرثرة قلمي...

[مشاعل الفايز]

هلا مشاعل



ايه والله يا ستار استر مني ومن هبلي ..




الف شكر لتواجدك الثمين


بين ثرثرة قلمي...

سلامتك من الهبل يا غالية

تعرفين الدعاوي الحمقاء حول وضعنا في المملكة

غير مكة وين رحتي؟

[أصيله المعمري]

لا يهموني هم...ودعواتكم الحمقاء حول المملكه...


قناعاتي بهذه الدوله ساميه


،
،
،
،



زرت جده ومكه والمدينه





مودتي لك يا قمر

[أصيله المعمري]

أبي أرجع أنا


أبعانق انفاس الهنا...






أمانه...على كل من يمر من هنا...

أن يبلغ سلامي للمملكه


وأن يعانق نسيم السعوديه


ويحضن ثراها بعنف


ويقول لها



من جدك ما وحشتك اصيله؟؟

[عبدالله ثويني المانع]

..

العزيزة / أصيلة المعمري

تابعت سلسلة مواقف صورتيها بأسلوب ممتع
بعفوية وبساطة تسعد القلب

لك الشكر .. أرق التحايا لقلبك

..

[أصيله المعمري]

المانع

حضورك يشرفني


دمت بسعادة لا تنتهي

[عبدالعزيز رشيد]

والله وتلعبين
كوره!!!!!! ..
أثرك منتي سهله ...
..
..


والله وتشرّفنا بوجودكم بيننا
ونتشرف دوم بتواجدكم ..
.
.
كلّ الدروب الي سرتوا فيها ,, تحكي عن طيبكم ..

[محمد الناصر]

أصيلة المعمري :

أو أثولة العثولة ... أو كما شئت ....

بين الطفولة ... والشباب ... لا يزال الطفل يتأرجح بأعماقنا ...


وبين دمعة وابتسامة ... تابعت تلك الذكريات ...

وحتى تزيدينا منها ... سأكون بالإنتظار


فلا زلت أترقب

[عائشه المعمري]

الله على السعودية



كل المواقف حلوه مثلك يا عثوله






ننتظر الدفعه الجديده

[سلطان ربيع]

أصيله المعمري

وسحابه مرت أسمعتنا صوتها

وسكبت العطر مطر

وأنبتت الارض أزهاراً وورود .


السعودية وأهلها يتمنون لك حياة سعيدة
وعمر مديد .

[أصيله المعمري]

والله وتلعبين
كوره!!!!!! ..
أثرك منتي سهله ...
..
..


والله وتشرّفنا بوجودكم بيننا
ونتشرف دوم بتواجدكم ..
.
.
كلّ الدروب الي سرتوا فيها ,, تحكي عن طيبكم ..




ايه اجل ايش تحسب؟



اخذ راحتي انا في المكان الي احبه



انا الي لي الشرف يا عبدالعزيز



شكرا لتواجدك المزهر

مودتي