[أبوذيّات ـنا]

[عبدالرحمن الغبين]

.
.


قَبِلْ تُوْعِدْنِيْ بْبَاكِرْ، وِشْ أَمْسَكْ ؟
وْشَخَلِّيْ مِنْ عَنَا ذِكْرَكْ؟ وِشْ أَمْسِكْ؟
جُرُوحَكْ؟ فُرْقِتَكْ؟ غِيْبَاتْ شَمْسَكْ؟
بِبَاكِرْ، لا تعَشِّمْنِيْ، خَطِيَّةْ.

.
.


المجال مفتوح لمن يريد المشاركة

[عبدالرحمن الغبين]

.
.

طِرِيْقِيْ وَعرْ، مُوْ أَلْوَاحْ مَرْمَرْ !
وِرِيْقِيْ جَفّ، وَسْط الحَلقْ مُرْ مُرْ،
وإذَا تَقْدَرْ عَلَيّ اتْمُرْ، مُرْ مُرْ ،
لأَنِّيْ بشُوفِتَكْ أَنْسَى الأَذِيَّة.

.
.

[عبدالرحمن الغبين]

.
.

يِكَفِّيْ عَادْ كِلْ لِيلَةْ تمُرْهُمْ،
وَلا مِنْ تِيْنِهُمْ ذِقْت، أَوْ تَمُرْهُمْ،
ومَا لَكْ طِبّ، لَو قَالَوا : تِمَرْهَمْ !
جرُوْح الروحْ مَا تَبْرَىْ بِـ كَيَّةْ.

.
.

[عبدالرحمن الغبين]

...يُتْبَعْ...

[غنج نجد]

تمرمرني .. فـْـبُعـدكْ .. وانـت داري
انا اتعذب .. كرهت اهلي .. وداري
تعال ارجوك .. ارحمني .. وداري
على قـلب ٍ تعـب .. وارفــق عليــٌه

[عبدالرحمن الغبين]

.
.

تِشَاهَدْ، لا أرتَخَى طَرْفِهْ وِسَلهَمْ،
تِقُولْ سْيُوفْ -أَحْدَاقِهْ- وِسَلْهُمْ !
وَأنا مِشْتَاق لأهدَابِهْ وَأسَلْ هُمْ:
أَمُوتْ بْنَظْرِتِهْ وَأَحْسِبْها دِيَّةْ !

.
.

[الريـــــم]

بلا عِشْق وبلا حُبْ وبلا هَمْ
ياقلبي عيش هالدنيا بلا هُمْ
صبرت وقلت أتحمّل بلاهُم
وأثاريهم نُوَوْ فيني الرديّةْ .!

[سعد المغري]

.


ياقلبي بطل العشرة وعـــود
وهمي كسر عظامي و.عــود
ماخلفت ابد مره الـوعـــود
غريبه ليش هالدنيا عليه

..

[عبدالرحمن الغبين]

.
.

تَغَنَّجْ لِيْ بِكِلْ صُبْحٍ وِلِيْلَةْ؟
وَأنَا مَوْ [زَاهِدْ] وْلانِيْ [وَلِيْ] لا !
أَخَافْ آجِنّ، وقَبْلِيْ قِيْس لِيْلَى
تِوَحَّشْ بالفَلا وذَاقْ الأَذِيَّة.

.
.

طازجة

[نافع التيمان]

ولك قلبي الــ / لطماتك نيا ,,شين
ولاحصلّت من لطمك ولا .. شين
ولازين بحكم شرعك .. ولاشين
خطية الــ قاعد تسوي.. خطية ؟

[نافع التيمان]

أشد الصوج م/ تبعدك والدها
بــ يديني عن جرح قلبك ألدها
حمل بيها العشق تسعْ و .. ولدها
ع عبالك هانت العشرة عليّا ؟

[نافع التيمان]

ملايين البشر مروا ,, والافات
غرامات.. وصبابات.. و الافات
ولا مر العشق عقبك ..ولافات
بعد ماودعت .. يحرم عليّا ,,

[نافع التيمان]

ولك مهدوم وبروحي بنيتك
أبي يرضى علي خاطر بنيتك
عفت داري .. فلا تقلب لي نيتك
أموت هناه ,, وآلبسك قضيه

[خليل الاحمد الشهري]

وجيت بجوع يالغالي وصمتك..
ذبحني حيل تهميشك وصمتك..
جبين الليل مزدان بْـوَصمتك..
رميت قليب واضحكت البريه

[خليل الاحمد الشهري]

اعيش فواد وأحبابي ف وادي..
حرمني النوم وأحرمني فـوادي..
تركت الناس ما مني فوادي..
حبست دموع وعيوني جريه

[نافع التيمان]

كسب من زبِّن ضعيّف .. وجاره
وحشم أصحابه واحبابه و جاره
خذ بخاطر زمان الهمْ ..و جاره
وصف نفسك ,, ترى النيه مطيه ,,

[الريـــــم]

على نارٍ يلوّعني وعلى مَهْ
يا خِلاني دا علموني علامَهْ ؟
أون الليل وبقلبي .. علامه
تركها من رحل عني خطيّة

[نافع التيمان]

""وحق الألف واللامين والها""
عليك الروح يابو زلف ولها
ولا قادر أسج وانساك والها
عذاب بغيبتك حالي شقيه ..

[نافع التيمان]

ياليتك تُعرف هواي انـــتـــ ليتك
حفظتك مصحف بقلبي و تليتك
وعفت أهلي بلا راي و .. تليتك
وصلت الشطرة وآنا من الحنيّه ..:)

[الريـــــم]

ولك يالْـ جنت ويّاك بسعاد
عليْ من غيّرك .. بس عاد
نسيت وراح ضيمك بس عاد
حلف إلا يهاديني هدية . !



جنت = كنت

[نافع التيمان]

من آخر آب توعدني لأبريل
ولا بطاري تمر بينا ولابريل
إذا ماكو حجز لو تركب بريل
ولك لفراق وصلني المنيّه ,,

[عبدالعزيز رشيد]

أحبّ الدار ول يوم القيامه
غرقت كثير بالشوق يامه
لها ليلٍ ويحلالي قيامه
طهوره واسمها بقلبي الـ (عذيّه)

[خليل الاحمد الشهري]

مزَاجِي شين واتخيل ورقتك..
لأنك شعر.. وعيوني ورقْتِك..
وانا الأقلام في كفي ورقْ تك..
تطيح شعور لو عصَّب خويه..

[نافع التيمان]

تدلل بالترف ناعس وسنها
تطر الجيب وصغيرون سنها
شحذ فرقاها هالعاذل وسنها
غسل يغسلني هم راحت علياّ ,,

[أحمد التيمان]

قصايد عقبك اكتملن.. وتمن

يا كيل الروح من سكر ؛ وتمن

تعال.. ويندفن خوفك ، وتمن

على ايش تغيب وغيابك أذية

[غنج نجد]

حبيبي .. ولك .. كلي وَهَـبـْتــك
خاف عْليك .. شفني كيف هِبـتـك ؟
فداك آآنــا شَذرْتـك مع ذهبـتـك
هواي آنــا أحبـٌك .. يـا عنــيـــٌه

[عبدالرحمن الغبين]

.
.

بعدكم عود متيّبس بلا أوراق
ودمعي يكتب أحساسي بلا أوراق
وتجيني أنتشى الخاطر بلى وراق
كأنك روح من ترجع عليّه

.
.

[جُمان]

خذوا اطلالكم عني ترا كَم
غزاني الشوق وعيوني تراكُم
وجيش الهم في قلبي تراكم
غرس في محجر العينين غيّة

.

.

[سعد المغري]

..
راح الحبيب بيوم صب الأ..نهار
غدا هطل الدموع عليه م..نهار
ياقلبي كافي تنوح بليل و..نهار
أنا من النوح كل شي ضاق فيه.
..

[عبدالرحمن الغبين]

.
.

تعب هالبعد منهكنا ، فَـ ارِحنا
تعال ومعك بسمتنا و فَرَحنا
قسيت بتركك ديارك، فرحنا
وعفنا ديار من عقبك خليّه

.
.

[ميــرال]

حبيبي من يمر طيفه دهن عود
يفوح وينتثر شوقي له وعود
المه مثل ماالمه ولا يعود
وانا ادري مايبي قربي خطيه

[صهيب نبهان]

أبَعْصرْ قلبي واسْقِيكِي بروحي
عسى الآلام تهرب من جروحي
يعذبني غيابك لو تروحي
ولَجْل الشوق آهاتي قويَّه

[سلطان الاسيمر]

حقيقه الناس والدنيا بلاهــا

وانا جروحي من العالم بلاها

ولو طــابت بعد هم هي بلاهـا


احس الموت وجــروحي علـيّه

[جُمان]

تسَربَله الغِيَاب وذَاق مرّه
وطِيف الوَصل مَاقد يُوم مرّه
ينَاجي حَسرته مَرّة / ومرّة
يبَادله الحزن دَمعة عَصيّة

.

.

[نافع التيمان]

تغافلني انهزم مني.. وتونَس
ولاتحسْ بيه يا قلبي وتونِس ؟
زعم حالي ترد ..خضرا وتونس؟
وترد تجمعنا هالدنيا سويه ؟

[نافع التيمان]

يلوموني: ولك يابن الأكابر
ورثت المجد من كابر لــ كابر
د عوف المايبيك وصد وكابر
ولا يدرون شارفت المنيّه ..

[صهيب نبهان]

..

منَ اوّل نظره واخْتَرتكْ لـ ذَاتِي
وعشْت احْسَاسْ تِلقائي و ذاتي
لو ان العاشقين احْذَوا حـ ذاتي
يشبّ الحب بعْيونِ (ن) شقِيّـهْ

..

[جُمان]

أثنّي ركاب أيامي لـ وُعُوده
واصبّ الحلم كلمَا شَب عُوده
ويُوم أرسَلت خفاقي يعُوده
سقَاه من الجفَا واسرَف بـ رِِيّه

.

.

[نافع التيمان]

أحن لك دارمي وهوسه و ابوذي
أبوذا تصير ؟ ,, صايرلك أبوذي
ولاهمني أبو هذا ,, وابو ذي
عجب ما قلِتْ : عذبته خطيّه ؟

[مشعل دهيم]

بزلفك غطني يالمحبوب مرّه

وخل الفرح بيّا يمر .. مرّه

حلو وقتي خلص واليوم مرّه

ذبحني كل صباح وكل مسيّه

[جُمان]

خفافيش الحزن طيري وروحي
نشف ريق العنا من هم روحي
وصوت الآه يزهم لي جروحي
يصافحني بأسى صبح وعشيّة

.

.

[نافع التيمان]

نوايب وقتي جامعهن ولَمْهِن
يَعَوْرَ الْقلب طاريهن ولمهن
وابعثر بيه أوراقي ولِمْهن
وأغني للزمن "" للناصريه ""

[نافع التيمان]

انا ليلي سهر بعدك ولانام
تشمت هالخلق بيا ولانام
ولا قلت : اطبق أجفونك ,, ولا ,, نام
ولا قلت : أتعبت روحك خطية ,,

[عبدالرحمن الغبين]

.
.

لِدَرْب العِشْق يالنَّاهِدْ أَنَا اهْدِيْك،
وأَنَا أكْتِبْ شِعِرْ لَكْ وَأقْرَا، وأَنَا اهْدِيْك
بِعِذْر اللّوز يِتْشَبّث بِنَهْدِيكْ،
يَخَافْ يْطِيْح والطَّيْحَة قوِيَّة !

.
.

[عبدالرحمن الغبين]

.
.

أحفْر آبار ، ما يَنْجَح ولا بِير !
ومِنْ أَلْعَبْ هَنْد، ما يَرْكَب ولا بَيرْ !!
وتمنيت الربع يوصل والوبير،
عَجَبْ يا حَظْ ما تَرضى عليّه

.
.




لعبة الهند : قريبة من الكونكان.
عقاب الربع،محمد الوبير : وصلوا لمرحلة ال48 وتم إستبعادهم :(

[نافع التيمان]

لو تردلي زمان أول وعيدك
فلا تغريني أفراحك وعيدك
ع بالك همني اغراكُ وْعيدك ؟
حياتي بيك صارت مسرحيه ,,

[نافع التيمان]

رسمها العاذل بحنكه وعدها
يوزها وخانت بقلبي وعدها
يقول الصاحب ابلعها وعدها
وروحي تقولي : والله قويه

[نافع التيمان]

حلو ديزاينك ,, وجديد لوكك
بياضك .. حمرتك .. أسود حـ لوكك
تمضغك عيني ورمشي يلوكك
قسم بالله حسنك منهجيّه ,,

[سامي العمر]

تعبت امشي وادوّر لي مكاني
واناسمع صوت بآخر دار :كاني
أحد منكم عرف دربٍ بكاني؟!
فديت الدرب لو يبكي عليّه !!

[نافع التيمان]

حفظت أفخم تفاصيلك .. وارَقْها
كتبتك قصه ودموعي.. ورقها
حلالك روحي اصهرها .. ورِِقها
ولا محتج على اللي يصير بيا ,,:)

[أحمد الديهان]

.







شكو يا صاح مبطي ما تمرنا ..؟!
شغل ، لو عفت قهوتنا وتمرنا ..؟!
كِنِت وياي بالحلوات مُرنا ..،،

تمر عـ الباب ما تسيّر عليّه !!





أ.د

..

[نافع التيمان]

إذا جار الزمن كافي وُجُودك ,,
أعض عْلِيك بالناجذ وَجَوْدك
أصيل وحافظ أفضالك وَجُودك
سويّه نموت ,, لو ,, نحيا سوّيه ,,

[نافع التيمان]

عقد ظنك حبل وصلك ... و شَرْبك
لو إن الخير مع غيرك ... و شرْ بك
مرار ,, وارتشف مُرّك .. وشُرْبك
هواي أنتا ,, يبو النفس الزكيّة ,,

[أحمد الديهان]

.





أجوب اديار وأتغرّب وارد لك

كثير الشوق يا صاح الـ ورد لك

هديّه آجيب وأقطف هالـ ورد لك


ترد الورد .. وتعوف الهديّه !!





أ.د




.
.

[عبدالرحمن الغبين]

.
.

على عهدك ثبت قلبي ولا يميل
وإنته لا اتصالك جا ولا e-mail
ياغصن أورق وأثمر لي ولي ميل
ذبحني الجوع لوصالك خطيّه
.
.

[شذى ناصر]

السلام عليكم

\
/
\

¨°•[ عبدالرحمن الغبين ]•°¨
شاكرة لكَ سيدي .. إتاحة الفرصة لنا
للتعبير بما يخالجنا .. بشكل آخر

:
:
مشاركتي ::

يا من يسمع يوصّل له هــوايا
بقلبي عاش وساكن في هوايا
لا تتغلا تعال وسكّــن هوايا
ومني لك يا هالغايب هدية


\
/
\

لك ودي ::
شَذَىَ نَاَصِرْ

http://www.deeiaar.org/upload-pic/uploads/deeiaar-ae084e5097.gif (http://www.deeiaar.org/upload-pic/)

[شذى ناصر]

السلام عليكم
\
/
\
حبيبي انته و اعز أهلي و ناسي
ؤلو طال الزمن حبك مَ ناسي
لجِل بعدك و لجْل الفرقة ناسي
في بعدك قاسية الدنيا عليّه


لكم حبي ::
شَذَىَ نَاَصِرْ

http://www.deeiaar.org/upload-pic/uploads/deeiaar-697e598e22.gif (http://www.deeiaar.org/upload-pic/)

[شذى ناصر]

السلام عليكم
\
/
\

على حبه صحى القلب و وعينا
سلب قلبي بنظراته وعينه
ؤلو يبغى القمر يطلب وعينه
واقدم له العمر كله هدية

:::
::
:

شَذَىَ نَاصر

http://www.deeiaar.org/upload-pic/uploads/deeiaar-660a333fde.gif (http://www.deeiaar.org/upload-pic/)

[ميــرال]

وقفة مع الإبداع

[محمد الضاوي]

:








طغااك الطول يـ الفاارع ../. و انا اصلك

تــــــ جاازيني بـ هجاانك .../ و نـصلك

و انا نص حاالي لـ حاالي و نص ./.. لك

دخيلك ../... لا تـ خليني خـطـيـــه


.

[عبدالرحمن الغبين]

.
.


يا قلبي العشق مازوشي وسادي
تمكّن مثلما السيّد و سادي
جلدني بالسهر وأحرق وسادي
بملح الدمع وأهلكني خطيّه

.
.

[أحمد التيمان]

رحلت وما بقى غير المنازل ..
وقلبي الصاعد بحبك ؛ ما نازل ..
أذكرك كل ما شفت الما نازل ..
ظميتك وانت وصلك ما يتهيّا !

[عبدالرحمن الغبين]

.
.


جِفَاكْ رْمَاحْ فِيْ صَدْرِيْ، وفِيْصَلْ !
وِفَاكْ الوَصْل لَه حِجَّةْ، وفَيْصَلْ.
وبَعَدْ هَالْعُمْر، إذَا إِنْتَهْ وَفِيْ صِلْ.
أَخَافْ آمُوتْ مَـ تْضُمَّكْ يدَيَّهْ !

.
.

[ناجي الطرقي]

أدوزنـ لك.. ويرقص لك.. وتـرها
لـو ضلوعي.. تصلي لك.. وتـرها
مدامك راغـد.. بعيـشك.. وتـرها
على الدرب قـعـدت..سـلم عـليه

[ناجي الطرقي]

على الدرب قعدت صافن.. واتـاني = لمحني طيفـك الغافـل .. واتـاني
مـرور كرام مـرني ما .. واتاني = تعـدانـي.. بـعد مـديت أيـديه

[عبدالرحمن الغبين]

جميل يا ناجي

[عبدالرحمن الغبين]

.
.

أحضنه كل ما مرني وأقبله،
وأفز إن جابه الطاري وأقب له،
وبعده ما يجي مثله، وقبله،
حصون القلب من قبله عصيّه !

.
.

[ناجي الطرقي]

انا صبري حديد ولا// لحمني = واكلتيني ولو اني // لحم ني
وهم البعد من جورك // لحمني = صرت مثل النحل .. وانتي خليه

[شذى ناصر]

سَلآَمٌ مِنْ اَلَلَهِ عَلَيّكُمْ

\
/

عراق اشواقي سبقتنـي ولك راد
إلك صفعة لكل صافــع ولك رَد
عراق السنة والشيعـة ولــَ اكراد
والـِف لعنــة تحــل عَ الطائفـيــــة

\
/

شَذَىَ بِنَتْ نَآَصِرْ

[شذى ناصر]

أبوذيآت من نزفي والأعمآق
يآعبدالرحمن .. شتقول شالفرآق؟
سرقة احسآس من قلبي والأعمآق
دخيل الله قلّّ لي شالقضية ؟

[ميــرال]

.


هلا بـ الـ سقاني الماي بيده
هلا
بالـ قطف وردي وبيده
شمـ كنت برضاي ابيده
زعلك وما تقسى عليه

[أنثى جموح]

رهيييب عبدالرحمن الغبين !

كل من شارك له بصمة

وأنا :

{ أكتفي بالمتابعة ...

[بندر الصقر]

من اللي دلّني درب الشقى؟ هم
ونسيوني وخلولي شقاهم
أقلب دفتري القى شقى , هَم
أمر ربي ومكتوبٍ عليّه