ســـواليف وعلـــــوم..!!

[ناصر المطيري]

السلام عليكم ورحمة الله
شكرا لطيب الدعوه .... لكم وللشعر هذه البسيطه
وفي الابعاد ...قرب
يرنو للحرف اغنيه اجمل








تحول من دونك مسافات وحزوم=والعمر خطوه والدروب الاماني
ياجرح تدري وش يوافقك هاليوم= اول نزيفٍٍ ماله احساس ثاني
واعظم شعور داخل الذات مكتوم=واعذب كلامٍ لاعبرت بلساني
الصدق حرفي مالبس زيف وهدوم=البوح ضافي واشهدي يامعاني
البارحه جفني من النوم محروم=واليوم دمعك في عيونك بكاني
لاتكثر الهدات في البال وتحوم=من شانك انته لاتضنه عشاني
بين العتب بين المشاريه واللوم=بين الصبا الماضي وحلم التداني
تجي على طاري السواليف بعلوم=في وقتي اللي فيه كلٍ نساني
ياسيدي لازلت غالي ومحشوم=ولازلت في قلبي صروح ومباني
في ظل عدلك عشت منفي ومحروم=من زود ظلمك يالشحيح الاناني
ياكثر مانصفتك وانا منك مظلوم=وزنتها حتى فقدت اتزاني
ياصاحبي في مامضى مانت ملزوم=وش ملزمك مادام قلبي يعاني
ان كان ماصدري بالاحباب مزحوم=ياعلها للضيق عوج المحاني
اطيح ثم اقوم واطيح واقوم=من همي اللي في الضلوع احتواني
كن السهر مابين الاجفان مرسوم=الليل اخذني والسهر وش عطاني
عقد الصدف في عنق الايام منظوم=عقب انفرط مدري من اللي لقاني
خل الحكي في قاع هالصمت مردوم=محدٍ ليامن غبت سد بمكاني
.

.

[طلال العلي]

كفو

كفو

يا اخي ناصر المطيري

رائعه من رائع

جزله من جزل

يشرفني وجودي هنا من الاوائل

تقبل تقديري واعجابي

دمت بخير وسعاده

[أحمد الديهان]

.


و عليكم السلام ورحمة الله وبركاته ..


أهلاً و سهلاً بالغالي ناصر المطيري

اسفرت وانورت

شكراً لك قبول الدعوه


وهذي الساعه المباركه يا بو بدر ..


ناصر .. شاعر رائع

و ما اتيت به رائع / جميل


تستهويني قصائدك لما بها من ابداع


دمت لمحبيك يا ناصر


اعجابي المتجدد





محبك / احمد بن ديهان ..





.

[محمد السالم]

صباح الشعر يا ستاذ ناصر


أكاديمية متنقلة أين ما أجدك


من يريد الشعر فليس عليه إلا القدوم إلى هذا المتصفح

[سعد مسهوج]

ناصر



صح لسانك

وحياااك الله شاعر جميل



احترامي



سعد العلاطي

[نواف التركي]

ناصر المطيري

لا تحتاج لعبارات الثناء بقدر ما نحتاج لقرائتك شاعراً مختلفاً متمكناً , نص كالسكر متسلسل ومنساب بعذوبه وصياغة مبهره .

حياك الله

ودمت بخير

[الريـــــم]

[ .. ناصر المطيري .. ]
شاعر وكاتب وإعلامي مكسب لأيْ مكان يتواجدْ بِهِ فأهلاً بك وبالشعر الجميل بحضرتك
مصافحة أولى أكثر من رائعة ولا غرابة حقيقة فـ أنت الشاعر الذي تعوّدنا مِنهُ الشِعْر الحقيقي

عندما تحول المسافات بيننا وبين من نُحِبْ .. ننتهج الأمل والأُمنية طريقاً نلتمس فيه قُرْب
قصيدة تحمل الـ جرح .. الـ عتب .. الـ إحساس .. الـ شعور .. والعذب من الحديث / الكلام

الصدق حرفي مالبس زيف وهدوم=البوح ضافي واشهدي يامعاني
البارحه جفني من النوم محروم=واليوم دمعك في عيونك بكاني
لاتكثر الهدات في البال وتحوم=من شانك انته لاتظنه عشاني

ويستمر ناصر متسلطناً ويبيّن كيف يكون الحضور في معية العتب والمشاريهْ واللوم وبين أيام الصبا والأحلام
كيف يكون الحضور عند نسيان الجميع .. وكيف نبقى نحمل لهم كُلُ محبةٍ رُغْم كُلْ شيء حتى كأنهم الصرح والمبنى
وكيف نعيش الظلم عدلاً .. نتحمّل أنانيتهم .. ننصفهم رغم ذاك الظلم .. حتى فقدت الموازين ونحن تباعاً الإتزان

ياصاحبي في مامضى مانت ملزوم=وش ملزمك مادام قلبي يعاني
ان كان ماصدري بالاحباب مزحوم=ياعلها للضيق عوج المحاني
اطيح ثم اقوم واطيح واقوم=من همي اللي في الضلوع احتواني
كن السهر مابين الاجفان مرسوم=الليل اخذني والسهر وش عطاني

وختام القصيدة كان : بصورة أكثر من رائعة وكيف تكون الصدف عقداً يُنْظم على عنق الأيام .. كيف ينفرط
وطلب بأنْ يبقى الحكي مردومٌ في جُبْ الصمت .. حيثُ أنّ الغياب لا يتساوى والأشخاص أيضاً
ثمّة امكنة تبقى خواء بلا أصحابها .. كما هو الشِعْر في غياب هذا الـ ناصر .. إذاً لا تغيب كثيراً يا كبير
صح الله لسانك ألف .. قرأناها بوعي وصفقنا بلا وعي .. أهلاً بك مجدداً .. كُلْ الجهات تحتفي بك

تقديري وإحترامي يابو بدر

[صالح الضويحي]

ان كان ماصـدري بالاحباب مــزحـوم
يـاعلها للـضـيــق عــوج المـحـانــي

جـُـبـلـت هـكذا..وهكذا عرفناك..


صوتٍ تـُـشـرّع له الصـدور وتذعن له الأفئده
حبٍ متدفق لاينضب معينه..
صدقٍ ينساب كالنهر ..

ان كان ماصـدري بالاحباب مــزحـوم
يـاعلها للـضـيــق عــوج المـحـانــي

كالسماء علواً.. كالغيم حباً .. كالنور صدقاً


ان كان ماصـدري بالاحباب مــزحـوم
يـاعلها للـضـيــق عــوج المـحـانــي

.. كماهو انت..مشرق..
.. كماهو أنت..ممطر..
.. كماهو انت..وافي..
.. كماهو أنت.. محب..
..أخلصت للشعر فـ أخلص لك ..
لنقراء الشعر في لغة الأنسان..

ان كان ماصـدري بالاحباب مــزحـوم
يـاعلها للـضـيــق عــوج المـحـانــي

كم انت رائع ياناصر..



لك حبي