بَــغْتــَة..!!

[خليل الاحمد الشهري]

http://ichor.jeeran.com/snow.jpg


تباريحك..
طعونك في مجاريحك..
مجونك لا طغت ريحك..
ومريتي كذا صدفة..
تهدِّيني..وتهدِيني فرح هالك
توديني..وتدنيني. من نصالك..
من آخر بعد لوصالك..
كفاية صارت الطعنة حديث الشارع الغربي..
من ضلوعي
من خضوعي..
من آخر طعن تلويحك..
إذا مروا مجاريحك..

[خليل الاحمد الشهري]

جَفَّ : تعَدَّى مَرْحلة المَطَر..

[خليل الاحمد الشهري]

http://waroodi.jeeran.com/x1pnp_rgmi5o50Z8oATe1swgBt9RqI-48iRjHbQjUKa-Xtf1HhBRL98n30bswMerKrT6YhHw7QiTO-yEcAYim4Yj7fCx8iTpjBNBlCrU74lZVmhnyycuraDidhSjplJ_ oXwcSWynvdx-sA.jpg

الضوء موت لعتمتك..
والموت ضوء لآخرك..
يالله ورتب همتك..
انفذ وعاتب ذاخرك..
غابة ولا فيها أمل
قل مل مافيها لذا
واجب تحاكي هالنمل
وازرع تجاعيدك غذا
هم حاولوا يستأسروك..
أشجارك اللي سوَّرتك..
يعني أخيراً حاصروك..
ياشين نية .. زوَّرتك..
حاطبينك..حاطبينك..
وين تهرب من يديهم..
طاب طينك طاب طينك..
يالله تجذر مع حَديهم..
وحدك ولا غيرك هنا..
مع ظلمتك او ظلمتك..
يعني.. تلـذذ بالفنا..
واحصد عبث من حكمتك

[خليل الاحمد الشهري]

http://www.arabiyat.com/aug2001/aug_images/boat.JPG

الصَّواري ريق ريح../ وشهوة الماضي رحيل...
...........البحار راح أرض وازرقٍ يعكس تفاصيلك سما...
راحلين مامعاهم غير قسوة وشي من صبرٍ هزيل..
...........راحلين.. خلفهم تُزع مواني من كفوف ومن ضما..

[خليل الاحمد الشهري]

http://www.mehrnews.ir/mehr_media/image/2007/01/243142_orig.jpg
إدوارد نورتن...
عندما يكون التمثيل شعراً..

وحيد ويجبرك تنظر لأكثر أكثره بإعجاب
..............يجي مثل السحر يجبر يديك تصفق بنشوة
بسيط الا من الأصعب قصير الا من الإسهاب..
.............ملامح صمتها ناطق / تَعَمُّد يحتطب سهوه..
هو الشاعر بتجسيده هو المُثمِل بدون حساب..
..............هو الأوعر إذا تمشيه هو المتواضع بزهوه..

[خليل الاحمد الشهري]

تفييتك صوامع غل أو قولي مدامع هيل
...............يفوح الخد من دلة بكاي ان جبت لك طاري
أمرجح في دجى موجك ضلوعي والغرق تعليل
.............أرجِّح كفة خضوعي واقول ان السبب صاري
كفاية كم رَمَح فيني على بيدا وصالك خيل
...........رسنت الصبح في عينٍ تخاف ان شح مضماري
على رسل القهر جيتك عجول وذابحٍ لي جيل
.............من رجالٍِ وسط صدري سعوا في سالفة ثاري

[خليل الاحمد الشهري]

http://www.o2publishing.com/images/PHOTOS/EDITION%2012/sawarke.jpg

اهديت لك [نومي] ولا شفتني حلم
...............واهديت لك حلمي ولاقلتلي [نام]
يعني كتبتك صمت في ثرثرة علم
...............يمكن محيتك علم في ثورة اقلام
احيان احبك حرب في معمعة سلم
...........واحيان اشبك ضيق في دوحة انسام
ان كان غيك وصل ياحي هالظلم
...............ماعاد بعدك موت يستاهل اعدام!
لو عاش ضيم الدور ابطال هالفلم
...............ماشفت دمع الصدق في خد الأيام
.
.
.
.
.

[خليل الاحمد الشهري]

http://www.dw-world.de/image/0,,1981585_4,00.jpg

تشبهينك حيل لو تِصْدِقْ مرايـا
..................اشتهي بك ليل وآكلنـي سهـر
ما معاي سواك لو منتي معايـا
..............ما معاي ضفاف وأزرع لك نهر
يهتديك النور وأتصاعـد نوايـا
...............يختصرك السور وأتسلـق دهـر
صاحبك ميعاد متفحّـم هدايـا
................حابسك كفّين في هيئـة زهـر
عاشقك مفضوح والكاتم برايـا
...............بيره المخنوق بالخافـي جهـر
ماشي ٍ لطعون وعيوني ورايـا
................طالبة كتفين وأعطيتـك ظهـر
شوفي عرس الدم ما وفّر بقايـا
................الخناجر بكر وطعونـي مهـر
قدميني عـذر يغتابـك خطايـا
...............أو خذيني عفو في ساعة قهـر