خطوات متكسرة !!!!

[حسين آل صمع]

رٌفع الألم عن ثلاث


الساذجة حتى تَتَعودّ


و الماكرة حتى تُجلَدْ


و الأنثى حتى تُحب ...

[حسين آل صمع]

الخصوم ثلاثة


خصمٌ تنظر إليه فـ لاتراه


و خصم تراه فـ تتمعنه


و خصم تتمعنه لـ تراه

[حسين آل صمع]

سقطت كلمة ذات كتابة من فم القلم


فـ كانت ثقيلة على الصفحة الفارغة


فاكتفت الورقة بها


لانها لم تُشعرها بالفراغ


كانت ممتدة / متشجرة / متغطرسة


والقلم لم يكترث


فقد كانت الصفحة التاليه أكثر رحابة ..

[حسين آل صمع]

صدر الليالي دايم اكثر رحابه = للشعر من حضن النهار وبريقه

لكن تجي احيان لحظة كتابه = سميتها بنت الجموح العريقه


بنت الهجوس وعاديات الذيابه = بنت الغمام ومدة الارض ريقه

وانا ابتلشت بغيها . ويش جابه= بعد الغياب ؟ وكني ادهق طريقه

كَنْهْ يترزم بالسما من عتابه = وكل عينٍ غير عيني غريقه

[حسين آل صمع]

قلت لها ذات حاضر


:


لقد كنت في دائرة الضوء



قالت : ولكن ظلامك يحرض الفراش على الهروب ..



قلت : لأنكِِ لاتنظرين إلى العمق ...



لقد كان النور محرماً عليك !!!!

[حسين آل صمع]

ما يوجعك في هالزمن غير حاجه = انك تهقوى الطيب في شخص وتخيب

[حسين آل صمع]

ياصاحبي ياهيه ياعشرة عمـر=لاتبتلش والعمر مادونه عمـار
تمرني من العصر لين العصـر=وتعيد جملتك الغبيه باختصـار
تقول : كيف الحال. ياوجه الفقر=وانا اتصدد عنك يمين ويسـار
الحال شين .. الا وربي مندمر=ومن دمار الى دمار الى دمـار
آقول طيب لكن الموت الحمـر=اني ولا طيب ولا عندي قـرار
خابر حصانك لاعثر ثـمٍ طمـر=ولا البعيد ان طاح ماقام الحمار
الحال مر ولكن الأدهـى وامـر=انك ماتلقى عين تقراك بوقـار
سكرانه الامي ولاذاقـت خمـر=والواقع الخمار والتفكير (Bar)

[حسين آل صمع]

ياليتها بالكلام ( اضحى تناجينا )= والله لاعاتب عيونك ثم اناجيها

ماجت بشف الكريم ولا تعدينا = نظرة عمى تنتظرنا ما نقديها

تدري عمى القلب باشواره يخطينا=وهو على طير ياللي ( لاتعليها )

[حسين آل صمع]

العمى ماهوب لاصاب النظر
...................... العمى والله لاناش.. القلوب

[حسين آل صمع]

جابوا كذبه وراحوا


وتالي مابقى منـ..هم



ماغير الـ راحوا



وجابوا :)

[حسين آل صمع]

وتاليتهـا معـاااك.. الله لايرحـم
................من لارحم دمعتك واستوطن غيابك

[حسين آل صمع]

بعض الرجاجيل لسان ومشلح وغتره
.......................... تغطي اللي تشوفه عين باخصته
اقصر من الوقت بالمغرب يجي شبره
.......................... لاجت لوازم صغيره جات كايدته
واطول من الهم لا جا فاتحٍ ثغره
.......................... ودك من الضيق تقطع عمر سالفته

[حسين آل صمع]

مو غريب

ان الحزن عيا يغيب

الغريب


ان الوطن فيني غريب

[حسين آل صمع]

الزمن لو تغير مايغير اصوله

.................. كيف نجلس وحنا قالبين الكراسي

[حسين آل صمع]

ادور بكل المنافي عن وطن

....................... ولاوطن شفته ولاكنت الــ.. غريب

[حسين آل صمع]

ايوه يامازن الحربـي=حطيت نيه علـى نيـه
ياخوك والنور متخبـي=كن الشماعـد انانيـه
مهما تداريت عن دربي=سرك بيظهر علانيـه
الحلم طيـب ومتنبـي=والعلم آبـو العتاهيـه

[حسين آل صمع]

غلطة الشاطر تجي غلطة عمر=مايهم بعشـره بالـف المهـم
إنها صحوة جمر على .. جمر=او عمودٍ كل ما قـام انهـدم

[حسين آل صمع]

ياطافي الضو لو شبيت لي نـارك=ما لد شوفي على جمرك ولا ليلك
اركد فضحك الحكا في لجة اسرارك=ما لي بدّلتـك لا والله ولا هيلـك

[حسين آل صمع]

اشتقت لك والغياب اللي تبلاني=ماهوب كيفي ولا جا والله بشفي
تعال تكفا تهقواني / تقهوانـي=صباح مشتاق فنجاله على كفي

[حسين آل صمع]

الصمت ابرك من ملاوات الاصحاب
..................لا خطا ولا حس بخطـاه وتراجـع