جِداريـــات الضاحك .. المُبكي .!

[عبدالعزيز محمد المالكي]

على العاري من أكمامي نبت برد /. وبكاء الغير=على الدرب الذي شفت السـراب يحـاول أبهتكي
مشيت ولا على وجه الطريق الا ندوب السـير=لحـالي /. والطموح /. وتمتـات الضـاحك المُبكي
وشفتك يالشعر في دفتري ظِل /. وزهاب أخير=سقيتك من دموع أقلامي أوجاعي /. ولم أبكي .!
أخـاف أبكي ولا يلقالي حضن أمي هِنَا تبرير.!=عشـان أتريق أحلام الطفـل فيني / . أبيت أتكي

[عبدالعزيز محمد المالكي]

رتبت عيني .. قبل شوفتك باشهر=واللحظـه /. اللي شفتها فيك دنقت .!

كان الكلام أوراق فـ /الغصن مزهر=صار السكوت (يتك) من رهبة الوقت .!

[عبدالعزيز محمد المالكي]

ياما ؟!
ضحكت /. أبكي على شُرفة أحباب

.......... لين .!! انطفت عيني وهي تـذرف الما



وياكم ؟!
عطيت القلب لغيـابك أسبـاب

.......... لكن .!! بنيت ( أحلام ) فـ عيون ظلما

[عبدالعزيز محمد المالكي]

يمه .. لا سأل عني الرغيف ..
قولي :
طفل الجوع .. نام !!

يمه بنااااام ..
وبحلم أنك اشتريتي لي .. حِذاء !!
وشنطة مدرسة ..
وأقلام ..

اشحذي هـ / الناس يا يمه .. عطاء

ولا تخافي .. بكره بكبر
وأقدر .. أتحمل .. على أكتافي أشيلك
واشحذ .. العالم دواء !!

[عبدالعزيز محمد المالكي]

أطرديه .. ( أيه ) !!
صبحي .. اللي شقق الظلما .. وجاك
وعكر العتمة في دارك ..
كانه .. ما يعجب عيونك ..
ما أبيه !!
وش/ لون أبيه ؟!

سكري الشُبَاك .. عن !!
............. سُكري / دامي سحابي ..
توربي الأحـداق ./. ظن
............. تنبت الدمعة .. سرابي ..

[عبدالعزيز محمد المالكي]

أبتروا لي .. أيدي !!
أشنقوا [ عيالي ] .. عليها


واترُكوها لي !!
كلمـا أعطت .. وطالت
ألقى .. روح أولادي فيها
ألقى عين القدس .. نامت .. بين أيدي

[عبدالعزيز محمد المالكي]

تدري ليش ؟!
كلما تغفى عيوني ألقى في صمتي كلام ..
.. ولا أقوله لا صحيت ؟!
لأني أحلم ..
أني أقطف من ثمار الشمس /. نوره
لكن ألقاها سراب .!

وأكره
أ
ح
ل
م
أو في غير الهم أعيش ..!

[عبدالعزيز محمد المالكي]

في عيونك .. والتثـاؤب حلم وأتمنـى أعيشه .!=في عيونك .. ودي أعفُر .. من دفـا تربة بلادي ..!


كيف حال اللي هناك الحاره ؟! وأزهار الدريشه ؟!=وأنتي كيفك ؟! وش بقى من ضحكتك بعد ابتعادي ؟!