مـراجيـح..!

[خالد التميمي]

.





لو كنت أشوف لـ صورتك عندي .. أشباه
.................. ما كان طالت حاجتي .. للقصــايد!




.

[خالد التميمي]

.





تجوع وتظما لقاي .. وتشرب أشعاري
......... وتمـدّ نخب الهوى .. وتقول لي صحـّـه!

:

من كثر ما للشهد في ريقها .. طاري
....... هالحين لا سولفت في صوتها .. بـحـّـه!!





.

[خالد التميمي]

.





سنين وغيرك يخطر القلب .. ويطوفه
....... يدرج .. وكلما رقى في خاطري .. حوّل
:
إلا أنت .. ياملهم القصـّــاد .. بحروفه
......... أقبلت لي تـالي .. وجـلست بالأوّل!






.

[خالد التميمي]

.





يا ميّت القلب .. لا تتعب علشاني
.................. إرتاح .. ما همّني علم الردى .. كلّه

:

أختار ربعي .. مثل ما اختار خلاّني
.................. حتى عدوّي بعد .. ماهوب حيّ الله!!







.

[خالد التميمي]

.





لا ترد الريـح .. عن صــدر الجـريد
........... جـايز القى في مقــاديـرك .. وعـد!
:
السهـر ماقصـّـر .. بـ عمر القصـيد
............ وانت ماقصـّـرت فـي جـرحـي بـعـد!!







.

[خالد التميمي]

.




نشرت شعري .. عشـانك تحتري نشره
........ وإلا إن بغيت الحقيقـة .. هالشعـر بلوى!
:
ما علّمتك السنين .. وكل هالعشـرة؟
...... إن الليــالي بلا شوفـتك .. مـا تسـوى!








.

[خالد التميمي]

.




تسأل عن جروح نفسي .. وأنت موجعها
............ ما كنّك اللي خذيت أحلامي .. وداعـه!
:
لو كـل ما جـات طيـوفك .. جيتني معهـا
.......... يمـديك ماغبت عن عيني .. ولا سـاعه!








.

[خالد التميمي]

.



ضمي مكاتيبي العذبات في عينك
.............. واليا شغلك الزمان المرّ .. ناديني
:
يشهد علي الورق وخضاب كفّينك
............ إن كان ما لبّسك دبلتك بـ يميني!!



.

[خالد التميمي]

.



يطيح من كفّ السهد .. غصن زيتون
............ وآذوق طعم الحب .. من جور حدسه
:
خمسة وصوف تذوب في عين مفتون
............ وأنا بعد بـ آذوب .. لـ عيون خمسة!
:
طعم الكرز .. والورد .. والليل .. والنون
............. واللي بقى لي .. من تفاصيل درسه
:
تذكر كلام النّاس .. عن عشق مجنون!؟
............... البارحة .. حسّيت بالعشق نفسه!!



.

[خالد التميمي]

.


ما أقسى من العبرة اللي تنشب فـ حلقي
........... إلا إني آساحر عيوني .. ولا باحت!
:
من مفرق رماح .. لين الداير الشرقي
......... وأنا آتصدد عن همومي .. ولا راحت!



.

[خالد التميمي]

.


إن كان حمل التعب .. أمسى على كتوفك
.................. باكر يطيح التعب .. يا طيّب النيّه
:
مدام كل الترف والدلعنة .. ضيوفك
............ وش عاد لو هو يزورك ضيقك .. شويّه!



.

[خالد التميمي]

.


أخط قلبي بالثرى .. وأحط حرفين .. وسهم
............. وأقول يمكن لو يمرّ صويحبي .. يلقى السلام!

:

المترف.. الميّاس.. ميسور الطعون.. المحترم
........... اللي تحيّعله الضلوع .. ويفهق القلب .. وينام



.

[خالد التميمي]

.



قلت .. سـافر ..
والحقيقة .. ياحبيبي لا تسافر !

آه من فينـا .. يكـابر..
لا غـدى البارح .. مواجع
وأول الأحزان .. بـاكــر!

[خالد التميمي]

.



كل ما هبّ الهوى بين المحاني
...... قلت يمكن صاحبي .. غيّر محلّه !



.

[خالد التميمي]

.







الله يجـازي زلـّتـك .. يالشبـابيـك
......... يومك .. تخيطـين الهـوى .. بالمحــاني

:

لـ يـديك جيـنا .. وإفترقنـا على ايديـك
........ ونفـس الفـراق اللي خـذاها .. خــذاااااني!




.

[خالد التميمي]

.





ما آروح لو كان عـذر الصـدّ جابرنـي
.............. لاشك يجهلك .. مايطـري علـى حالـي
:
ماكنّك اللي عن الأحـلام .. مسهرنـي!
............ ولا كنّك اللي سهر في مهجتي .. غالـي!
:
عشاني إشتقت لك بالبعـد .. تشكرنـي؟
............ وشلون لو شفت .. هوجاسي وغربالي؟
:
ياطول صبـري معـك .. والله ياجرنـي
.............. على كثـر ماتحمّـل عقلـي .. هبالـي!
:
إسلم وسلّم علـى الايـام .. واذكرنـي
............ لا أمسيت بين الحشا .. واصبحت في بالي




.

[خالد التميمي]

:




إن عوّدت للكرامة .. إخترت هجرانك
............. ضيقٍ في صدري .. ولا ذلٍ على وجهي!



:

[خالد التميمي]

.




طفلةٍ .. هدّت غلاها بالحنايا .. ثم نام!
............ كلما صحصح خيالي .. قمت أدور له .. عليها

:

يوم غنّت له فـ صدري .. (نام وأذبح لك حمام)
............. قلت يا بخت الحمام اللي يسابقني لـ يديها!!


.

[خالد التميمي]

.


معك اجتمع فيض قلبي .. مع ظما جفني
.......... يعني: أحبك كـثير... ولا تهيّا لي!
:
غالي .. وكنّك على نفسي.. مناصفني
....... حتى على نصفي الثاني بعـد .. غالي!


.

[خالد التميمي]

.



من حق الأيام .. تحسد ليلة الجمعة
............ ومن حق الأحلام تحسد عيد ميلادك!
:
كلما ضوت لك سنينك .. إنطفت شمعة
............ وكلما كبرتي سنة .. يزيد حسّادك!!


.

[خالد التميمي]

.






أذكرك عند الغلا .. وآستسمحك منّه
............. والمحك بين الورق .. يأجمل مكاتيبي
:
مستقبل القلب والاّ .. مقفيٍ عنـّـه؟
............... والله مايختلف لا اقبلت .. ترحيبي!
:
من عيبي .. آكتم على الاحزان وآكنّه
........ وش بيدي اليا غدى الكتمان .. من عيبي!؟
:
تقول ضايق .. وآقول ابوك للجنّه!
............. ماعاد يسوى عليك اليوم .. تعذيبي
:
فإن كنت ناسي خطاي البارحه .. مِنّه
........... أنا نسيت الطعون الخضر .. من طيبي!






.

[خالد التميمي]

.



لا تعـاتبني .. على قلّ العطا
........... ما بقى بالقلب من حبك .. جهد
:
ليت لي في محجر عيونك غطا
.......... مثل مالك في جفن عيني .. سهد!



.