**_** أحلااااااااااااااااااام ** _ **

[خالد السويلمي]

أحلام ضاع العمر باوهام الاحلام= وأحلام عمر الياس صارت كوابيس
وبانعام عشنى ننعم العمر بانعام= جنه لنا الدنيا وهواها نسانيس
وشلون ؟ مدري ، اسألي طبع الايام= شوفي بعينك يآم ذيك النواعيس
وش فرق عام العام عن عام هالعام= شوفي وقيسيها بكل المقاييس
أكيد تلقين الحقايق والاوهام= بس انظري يابنت خلف الكواليس
تلقينها أضداد أصحاب واخصام= ناسٍ بها تسعد وناسٍ مفاليس
ولا تسألي منهو طوى الليل بهيام = عن حال من ليله شموع ومراويس
تدرين منهو مامشى حاف الاقدام= ماحس بالرمضى سوات المتاعيس
وتدرين ماباقي مراجل وقوَام= تنكَست دنياك يابنت تنكيس
لادم ينفعنى ولا قربة أرحام= وأحلامنا جنه بها يحلم ابليس
وكان الربيع من السَمايم غدى رمام= ومن السمايم حمَس العشب تحميس
لاوالذي سواك ماعض الابهام = لآنتي وفا ليلى ولاني بعد قيس

[مؤيد الغريبي]

انت تضيء طريق الشعور ..

صح لسانك يا خالد ..

طلال

[خالد السويلمي]

طــلال

وأنت تضيء أبعاد بنقاء روحك

وعطر مشاعرك

الله لا يحرمنا منك

تحياتي لسموك

[قايـد الحربي]

خالد السويلمي
ــــــ
* * *


أهلاً وسهلاً بك
وبعودتك كل التراحيب .

تفصيل الواقع وتشريحه بهذه القصيدة
غاية في الحقيقة الرائعة و الروعة الحقيقية .

شكراً لك .

[صالح الضويحي]

خالد السويلمي



تحيه وتقدير

لحضورك المشرق صدقا
والمبهج شعرا

والراقي فكرا

كماهو انت .. تأخذنا الى

أكثر الأفاق رحابةٍ.. في لغة الشعر

وتقترب بنا لدواخلنا في بوحٍ مؤثره

وتصويرا جميل واسترسالٍ ممتع

..أحلام..

قصيده تلامس الوجدان وترقى بالذائقة للرضى

ذكرتني.. بـ


(يا احلام..وين أحلامنا؟)

يااحــــلام .. وين أحــلامنا.. مالـقـيـنـا
الاّ بـقـايـا.. أشـــوي ..وأشـــوي ..وأشـوي

قصيدة قديمه ربما تكون هنا.. قريبا..


دمت ودام سمو حضورك


تحياتي لك

[عبدالحميد بن ناحي]

خالد السويلمي
إيضاح الحقيقة بشكل عام جميل
والأجمل عندما تُمنح هذه الحقائق
خصوصية سيكون نص رائع

شكراً خالد

[عبدالله الراشد]

جعلك الله من الخالدين شعرا
ابدعت
تحياتي

[هـيـفـااللاّفـي]

,’

هنا للروعه وطن ومكان
خالد السويلمي سموت بالحرف...
فدخل القلوب بدون إستأذان

صح نبضك شاعرنا وياهلا