العُمر أقصر من أنّ نهرول فيه .. فلنأتِه حبواً ..!

صدري تشظّى يا إلهي من القهر
ــــــــــــــــــــــ ما عاد فيني من نَبِض ما خذلني!

ما كنّي الا شِلْت في داخلي مصر
ــــــــــــــــــــــ وما ظل واحد في مصر ما طعنّي !

حمص وعجز حتى الصدى يحتويها
................ حاول ولا ساع المدى واجتنبها

فتحت لمصراع الكرامه يديها
.................. والعز ريقه من جفافه شربها

ما خلّت مفاخر لمنهو يليها
.................. منهو يلوم العز يومه طلبها ؟

ما احلى من انك تشتهي تموت فيها
..................... إلا تموت ولا يطولك عتبها

افهقي صدري العاري يشب الجمر
ــــــــــــ يلفحك هالهبوب وينصهر هالحديد

شوي أبكي المعرّه شوي بابا عمر
ـــــــــــ لين من محجر عيوني تشظّى صديد

يا بلادي مثل منتي بس في قلبي بلد
ـــــــــــــ عامليني كنك انتِ ما بك مواطن سواي

دلليني شراة أم وما لها غيري ولد
ــــــــــــ وسوّي لباقي اخواني مثل ما تسوي معاي

طشّ الخبر في رجعتي واِفرحولي
ــــــــــــــــــ والصوت بَحّ من الفرح يوم انادي

دورت حولي شفت انا الكل حولي
ــــــــــــــــــــ وانتِ الوحيده الما لقيتك بلادي

أسوأ شعور ..
انّك تحس ان الوطن .. يلي ملّى صدرك عطور ...
بيخنق انفاس الزهور ..!