نسيتني!؟ سامحك ربي وعقبالي
ارتاح من داعي الذكرى وتلويحه

من كبرها منك حتى ضحك عذالي
من صدمتي، صار يبري القلب ويريحه

كسرت قلبي وانا سويت ما ابالي
يا عونة الله على جرحك وتبريحه

تدري وش اقول لامريت في بالي
الله يبيحه كثر صده وتجريحه

ما عاد يطرب مسمعك زامر الحي
وعيب علي اطلبك بعض اهتمامك

يا خافق ميت وعلقت بك حي
م أقسى علي من صمتك إلا كلامك

طويت صفحات المعزة لكم طي
من بعد ماكنت اتحرى سلامك

ماكنت تعني شي واليوم لا شي
يعيد لك بعض الغلا واحترامك

لا صار الأعذار ما تجزي مع الصاحب
حنا نقصر بحق ( الله ) ويسترنا

من جال قسوتك ل ابعد حد في طيبتك
دور علي و أوعدك ما يوم تلقاني

العام طينة جفاك تبلها غيبتك
واليوم شوفك يكدر صفو نسياني

كل ما قلت اتعود على غيابك لقيت
ما لنفسي وانت غايب مرام ومشتهى

وكل ما قلت أكتب الشعر وافضفض دريت
إن ما للضيق في قلب يائس منتهى

مهوب بس الصدر في غيبته ضايق
ضاقت علي الوسيعة ساعة الفرقى

اللايق الموت غير الموت وش لايق!
لا صار شكواي صمت ودمعتي ترقى

يا كبر همي لاوالله ياكبر ذنبي
وذنبي سبب كبر همي والله ادرابي

قصرت لين انكتب ذنبي على جنبي
يارب توبة نصوحة تسبق غيابي

‏لاضاقت فجوج الفضا فيك
و اوعدت دمعة ( قفل الباب )

واستر وسوم جراحهم فيك
و ادفن خطأ لا تدفن أصحاب