يا رب جيتك وانا العاصي وانا الخايب
............ والهم والضيق له في خافقي متكى

ما عدت الا وانا يا خالقي تايب
.......... اعرضت عنّك وصارت عيشتي ضنكا

يا ريحة الموت كُفي هالمسا كُفي
............. ما ظل في حمص حيّ ولا بقى ميّت
للدمع هُدنه نبّي وانتي بعد غفّي
............... خلينا هالليله بحزن البارحه نبيّت

أحب حرفين باسمك واو والكاف
وتطعن بي وابد ما قلت ول/كاف
أحب راسك واحب العين والكف
وأحبك حتى لو تجني عليّه

أحب حرفين باسمه عين والها
وعيني تنام دونه دوم ولها
لها روحي وهي روحي وإلها
قلب ينبض لها ما هو بليّا

واذكر اني غمّضت عيني
وقلتلها : ننام ؟ ..
قالت : ايه تصبح على ...
واتذكّرت كل الكلام ..!

الشاعر اجمل لو يكون بلا عيون
ــــــــــ ما يقدر المنطق عليه ويسجنه
من باطنه يفتح شبابيك الظنون
ــــــــــ ويأول الفكره على ما تفتنه !!