ازرعي صدري سنابل
............... وانثري صدرك سماد

ودامها كفوفك مناجل
............... كلّها ضلوعي حصاد

أفركي المصباح ..
يظهر .. مارد الحلم السجين ..
يَطلُبكِ السماح ..
إنتي أول من عجز ينطق لها ( شبيك )
وقلـّها ( تكفين )
أطلبي منّي أشاركك الصباح ..!

تيجي نشرب كاس في صحة حنيني
يمكن أنساني شوي .. ويمكن أنساكِ شوي
ويمكن إنّك إن ذهب عقلي تجيني
وأنسى إنّي ميتٍ في ثوب حي
تيجي نشرب ..
ولا اقلّك .. أسكبي لي من عتيمك ..كاس ضي !

اقتليني ما غدا فيني حياة
............... اطعني ما تطعني إلا الجسد

ما يضر الروح طعنك للرفات
............ ولا تصيب الميت عيون الحسد

يا أجمل فصول السنه
صيف وربيع
متى خريفك ينتهي ؟
ما ظل عـ/ اوراقي شجر
خايف أضيع ..
ترحل بي دروب السفر
وتخسر عيوني بسمتك
واخطي ولا اقدر اعتذر
واستسقي وابل رحمتك
واستعطفك ..!