|
الكلمة الصادقة تبقى ب / رغم الظروف
مهما المواقف تغيّر ماتغيرها !! انا خبيرٍ بها من كثر ما اسمع واشوف لاتحاول انك على مثلي تمررها ! اسايرك وانت تحسبها عليّه تطوف وتغترّ بسْياستك / ترجع تكررها ! وانا على نظرتي ياللي فهمت الحروف اللي تمنّع علي مانيب أعاسرها |
من يجبر الخاطر المكسور ؟ من يسمح الدمعة الزرقـا ؟ العبرة / وسدت الحنجـور مع النفس تنـزل وترقـا !! |
كل شي عرفت افسره وافهمه
غير تفسير / كيف تصير ( فزة خفوق ) حالة ٍ تعتريني مالها ترجمة ! زود نبضات قلب وزود نبض العروق |
نشكي ونبكي . نحكي , نعيـد ونزيـد لين اقتنعنا ب حكمة / الصمت حكمة ! |
مااسمّع اللي طلبني ماضي ابياتي
والعلة المانعة / نسيان ماقلته ويقول دوّن قصيدك بالسجلاتي واقول انا ادونه / لكن ماشلته لكن طلبني حبيبً فدوته ذاتي وهذيت شعري بشكل ٍ ماتخيلته ذكرت شعر ٍ قديم من بداياتي حتى الذي بأوله / بالحال كملته |
سجيت انا وياه عن باقي الناس !
مرة يراعيني ومره أراعيه ! ارعاه قبل العين في قلب واحساس لكن وش هو للمراعاة حاديه ؟ ! |
احيان تجبرني على داعي الشوق واحيان تذبحني بكتمان الاشواق |
تعـال نتقاسـم جمـرة الشـوق تـدري وش اللي حداني واشتكي جمرة الشوق ! |
| الساعة الآن 05:26 PM |
Powered by vBulletin® Copyright ©2000 - 2025, Jelsoft Enterprises Ltd.