منتديات أبعاد أدبية - ؛ على عَتباتِ اللّيل ؛

اقتباس:

المشاركة الأصلية كتبت بواسطة عبدالله السعيد (المشاركة 1060841)

ترى هالموضوع مخصص من الساعة 11 ونصف إلى قرايب الفجر
طبعا ما يناسب اللي ينامون بدري حالاتي لكن في اليوم التالي راح
أجلس على العتبة و أقرأ مشاعركم الليلية .. وعلى طاري الليل تقول الست :
الليل ودقت الساعة تصحي الليل
الليل وحرقة الأهات في عز الليل
وقسوة التنهيد والوحدة والتسهيد

وعقبال ألقى التمسيد
على الظهر والكرعان والإيد

آخر سطرين من قريحة :
عبدالله ساجع السعيد

ههههههههه

ونعم يابو ساجع على بالي : عليان

وعلى طاري الليل يقول الشاعر الكبير فهد عافت :"

الليل موحش غريب وحيّة رقطا وديجور
والليل طيب ودفا واخت تمازحني ونوّار
ساعات احس ان هذا الليل : نبش عظام وقبور
وساعات احسّه : فرح بنت برسالة حب واسرار
كم ليلة كان فيها الليل : عبد .. رطب .. محفور
وكم ليلة كان فيها الليل : ((جيفارا )) وثوار
يا ما تكدس .. وهو يشتم (( عيال الكل.. )) مخمور
وياما (( تسندس )) .. وفاح اللون الأخضر وأربك الدار !!
له ألف مليون صيغه .. في يديه النار والنور
وهو شيئ ثالث .. بعيد عن انفلات النور والنار
يا ليلة .. ليلها زرنيخ منفي يابس .. بور
لي ليلة كان حضن أم .. وثلاثة أيتام وصغار
ليل اتشمشم به اللي مر ..نكهة خبز تنّور
وليل اتجشم به اهوالي لحالي .. واصبح كثار
انا اصدق الناس .. واعدلهم .. وانا البهتان والزور !
يا قطعة النّرد .. شوفي وش بقى لي .. بي .. من اعذار !
في داخلي قصة غياب غريب يشعل حضور
هذا اليباس بعروقي .. يلعن ام الوقت ..لا ..جار
غاب الطفل ، قلت طيّب .. غاب بعد الطفل عصفور !
طيّب .. وغاب الثمر .. طيّب .. وغابت كل الأشجار
غابوا محبين .. طيّب .. غبت أنا طيّب .. بكت دور
طيّب وبعدين يا طيّب ؟! .. وش اللي ظل ما صار ؟
تبسمت لي مرة .. قالت تعال .. وطاش بلّلور
بالحكمة اللي تضاحكنا عليها دمع وغبار
ما دام دنيا .. وترفعها قرون السيّد الثور
وش يزعل العاقل ان نادى عليه حمار : يا حمار ؟
...........

أطلب منك طلب
بعد ما قريت القصيدة ضع كلمة الشعر بدل كلمة الليل وأعد القراءة وحلق مع الدهشة أكثر وأكثر

الله عليك