[POEM="font="Simplified Arabic,5,blue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]صوتٍ يناديـنـي خفـاء كـل مانـمـت=مافـي عـباراتـه خطـأ وأزدواجــه

بأحدى الليالي جيت يمـه وسلّمـت=قلت أنشده ؟عن حاجتـه وأحتياجـه

أصغيت له بالسمـع حتـى تـفـهـمـت=معنى رضاه .. وغـايـتـه.. وأحتجاجـه

عاهدت مرسوله.. وله بالولاء أقسمت=قال: أستمع لي؟ قلت: يافكـر ناجـه
قال: الزمان؟ وقلـت: بـه ماتظلمـت=لكـن نفيتـه وأحتوانـي عجـاجـه
قال: السعاده؟ قلت: في طيفها همـت=ماذقـت منهـا ساعتيـن أبتهـاجـه
قال: الحياة وناسها؟ قلـت: حرّمـت=ما أثق بأحد والكذب عيـب وسماجـه
قال: الصداقه؟ قلت: عنها ألزم الصمت=كـلٍ يبيـع ويشتـري فـي خراجـه

قال: المجالس؟ قلت: عنهـا تشيمـت=نمّه .. وغيبه .. وأنحدار .. ولجاجه
قال: أن سمعت العلم منـى. تقدمـت=حث الخطا تجتـاز عنـق الزجاجـه
تسعد اليا صلّيـت للخالـق وصمـت=وصدقت مع نفسك على كـل حاجـه

معنى الثقه؟ قناعتـك. وأن توهمـت=أطعن ظلام الليـل وأشعـل اسراجـه

لا تذكر أبسـط ماقـفٍ بـه تندمـت=بـابٍ يجيـب الريـح حكّـم سياجـه [/POEM]