منتديات أبعاد أدبية - نـجمــة الصـبــح ..

اقتباس:

المشاركة الأصلية كتبت بواسطة محمد القاسمي (المشاركة 429280)

عذرا ً لـ هذا الغياب المُفرط

,
.
.

أحبائي

هنا نَص متواضع لـعله يشفع
لي

.
.

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]مع الشفق يا (نجمة الصبح) طلّـي..=..وأرخي سدول الليل عن ساهر الليل
لـك مـدة ٍ بيـن الدلـع والتغلّـي..=..ولي مـدة ٍ بيـن العنـا والبهاذيـل
يسري معك فكري وأنا فـي محلّـي..=..و أعلّلّك .. وتمـدْ شقـر الفناجيـل
وكل ما بدالي طيف زولك .. أهلّـي..=..وأفزّ لك تقدير .. لو ما معي حيـل
أوّل (محطـات الغـرام) التسـلّـي..=..وآخر محطاته سهر ليـل ٍ و ويـل
فإن كان قلبك داله ٍ ما فطـن لّـي..=..فأنا بوجه الناعسـات .. المظاليـل
لا خيّب الله في رجاهـن .. مجلّـي..=..اللي لهن .. وقع ٍ سوات المصاقيـل
يصبح بهن (وجه الشقا) مسفهلّـي..=..ويندب لهن (راع البيوت)..التماثيـل
الكِبْر .. درب ٍ ما سَلم منـه خلّـي..=..والعشق داي .. وعلّتي مابها قيـل
والحظ .. عود ٍ مات من عامنا اللّي..=..حلت بها الفرقـا محـل المواصيـل
تبكيك عيـن ٍ .. تبـرق وتستهلّـي..=..تدرج (دموع الحب) .. مايدرج السيل
ويبكيك .. ميقاف ٍ لنـا مـا يمَلّـي..=..اليوم أسوهج به .. سوات المهيبيـل
ولّت بك ظروف الزمان .. المولّـي..=..وأنا بعد مانـي قليّـل .. محاصيـل
كِن الظروف الغابـره مرتـع ٍ لّـي..=..نحت بي ظروفي على سكـة الريـل
خطر ٍ على (روح الموّدْ) .. التعلّـي..=..من واحد ٍ له ف الضماير .. محابيل
أجرّ صوت الحزن .. جـرّة مهلّـي..=..وأزيد من بدعي .. وأنا ماني بخيـل
يا نجمتي .. ماساور الشك .. ظلّـي..=..حزة وقفت أرقب .. مكانك من الليل
الحزن بيتي .. والمواجع هـل ٍ لّـي..=..والذكريات ضيوف .. وجفوني الحيل [/poem]

,
.
.

إلى أن تلقي

صباح الخير يا وجه الخير

صباح العطر والمطر صباح الشعر
يا القاسمي ماذا فعلت بنا ؟؟؟؟؟؟؟؟

ما أسعدها تلك الأنثي يكفيها فخرا بأنها المحرضه على خروج مثل هذه الفارهه

الله لا يضرك لله درك

تحياتي