[poem=font="simplified arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]كثْر الكِثير اللّي عَجَز ياصَل مدَاه انْسَان ، أَنَا والله مِشْتَاقَه كثِيْر = وكثْر الصّدِقْ فِي كلْمَة [ أَحبّك ] ، وكثْر الحِزْن فِي عِيْنِي وهِيْ مَارَدّتَه

كَنِّي فـ..بُعْده حَفْنَة آمَالٍ تعِيْش أيَّامَها فِي عِيْن رَجَّالٍ ضرِيْر = عكَّازتَه فِيْها تجَاعِيد الزّمَان أوْشَام تِتْعِب فـ..الخَطَاوِي مَدّتَه ![/poem]

القلم : صمت شاعر
ماهو بـْ صمت المشاعر !
والشعر / عالم غريب
فيه صمتي كم يعبّر عنه قولي
فيه .. كم يزهر ذبولي
فيه جيت افرح .. لقيت ان الحزن أعذب وأقرب ياهطولي
فيه جيت أحزن .. وطاحت دمعةٍ فيني قديمة
واختزلت الذكريات
والغريبه .. صفّقوا لي

الشعر ذا / فصل خامس
تزهر الكلمات فيه ، يوم اتساقط ألم

فيه ليه .. وفيه انا ماعرف ليه
فيه ملجأ .. فيه تيه
ورغم هذا بيننا قصة وفا
كل ليله .. يا يجيني .. يا أجيه !

صباح امّي ليا قالت : صباح الخير
صباح احساسها ، وانفاسها العطره

صباحٍ من كثر ماهو سعيد / وغير
أقول الله يعجل صبحنا [ بكره ] !