منتديات أبعاد أدبية - جـنـاح العـتـب ... !

اقتباس:

المشاركة الأصلية كتبت بواسطة غنج نجد (المشاركة 441922)

غـالبـا .. ما يكون العزف المؤلم على قيثارة قلب متهتـــك
موجعه ... ولكنه العتب حـد التعب ..
وبصوت الغياب المنع** على روحـك ...وضجيجه
في روحي .. أهديك إن**ارتي * وبعثرتي* و إصراري على أن أحبــك
أكثر من ذي قبــل ..

واشوف الكون من حولي
يضيق ..
أناديهم ..
ابـ / اتنفس .. حكاويهم ..
يرد .. الجرح في صدري ..
وينام الويــل في خـدري ..
يفز الليــل :
اشـ / فيهم ؟
هُمْ اشـْ / فِيهُم ..؟
تركوني .. ليــه ؟
انا لحالي .. او اني ضعت ..
ضيّعت الطريق ..!
تعالْ ..
وما بقى بي حيل ..
ابيك .. تصحي احساسي ..
تهز القاف في راسي ..
وافيــقْ ..
يمكن حياتي ضعت ..
من صرخة حكاويهم ..
و ..
و ..
ضيّعت الطريق ..

هَــاكْ رُوح السَّـحابْ .. وهـَـاتْ لِي رُوحِي
تكْفى .. طـلبْــتـِكْ تـِلـمْ الجَرْح في رُوحـك

خِذْني ..على اطْرافْ طِيفَكْ واسْتمع بُوحي
اِيــهْ انْتْ وَحْدكْ .. تـْعَمْــر القلبْ بصْرُوحـك

شـَامِخْ بصـَدْري غـَلا .. لوْ فـَاضَتْ جُروحِي
مِنْ فيـهْ غــيرَكْ .. يعـَوّضْـنِي دِفـَا بُوحـَك ؟

تـعِبْتْ انـَادِيـكْ .. وِينـكْ ؟ تِسـْتـِمعْ نـُوحي
مـَا هـَزَّكْ الجَرْحْ تـَسْــأَلْ وِينْ مَذْبـُوحـَك ؟

وأسولف ..
عن حكاية عشق في روحي ..
اترجمها .. انا فـْـ / بُوحي ..
واردْ اسـْكت .. !
عن الحكي المُمِل * اشْهَق ..
تِعِبْتْ .. !
و تَضْحـَك جروحي .. !!

نِـضَـبْ .. مُعِـين الْكَلامْ .. وضـَاعَـت الفـِكْرَه
وتَـعَـثـّر الحَرْف .. قبْــل الفِـــكْر يـبـْــدَا بَـهْ

البَرْدْ / واللّـيــلْ / والإحْسَـاسْ / والسَّــكْرَه
أقـْداحْ .. عـِشْــقٍ شـَربْـني .. وآتـروَّى بـَــه

ثِمَـلْتْ / دُوزَنْت قـَافـي .. وانْـتـِشَى ذِكْرَه ..
بـِين الْحَنـَايـَا .. ونـَبـْض القـَلْب غنّى بَـــه

طـِير الْغَـلا فَـزْ .. (في صـَدْرِي )عَلى وَكـْرَه
رَفْ بْـ/جَنَـاحْ العَـتـَبْ ..واقْبَــلْ / وُحَيَّـا بـَــه

حـَلَّق بـَـهْ الشُّـوقْ عَـالِي .. والأَلـَمْ مـُكـْرَه
طـَيَّرْ مْنَ الصـَّدْرْ شَـرْهَاتِي ابــ ْ/ مـِخـْلاَبـَه

دَمـْعَـهْ وطـَاحَتْ شـَرَهْ * والقَـلْبْ تِحـْتـَكْرَه
هُـو فِيــهْ غِـيرَكْ يـِلـِمّ الْجـَرْحْ وادْرَى بـَـهْ ؟

اتـْنـَفّسِـــكْ .. بـِـينْ مـُوتي .. والأَمَـلْ بـُكْرَه
أصْحَى .. يِـِضِـجّ الْحَمَـامْ .. وتَبـْكي اسْـرَابـَه

أسـْتـَعْطِـفْ القـَافْ .. يَرْقَى لِكْ .. عَلى فِـكْرَه
مِنْ هِـيبـِتـِكْ .. صـَاحْ كِلّ الْكُونْ .. نـَادَى بـَـهْ

سُولَفْـتْ بـَـكْ .. لِـينْ ذِقـْتْ المْـُوتْ والسَّـكْرَهْ
غِـبْتْ بْـ/خَيـَالِكْ / وْفِقـْتْ / اتْسَـرْبـَلْ كْتـَابـَـهْ

هـَذا قِصِيـــدْ الْغَـنـَجْ * يـِسـْتَـلـْهَمـَكْ حَـكْرَه
سـِجَـدْ عَلى جـَالْ طـِيـفـَكْ / ثـَبـَّتْ اطـْنـَابـَهْ

كِلْ عِـرْقْ فِينِي .. شَرَبْ حَرْفـَكْ / وْيـِفْـتَـكْرَهْ
واليـُومْ .. هـَاكْ ابـْجَدِيـَّـةْ قَــلْـبْ .. وعْـتـَـابـَــه

وتسـألني ؟
وين أرووووح......؟
وتـســألني ؟
انـا اللي بــ / سـألك عني ..!
متى .. هذا الزمـان يــْحنْ ..
يهديني .. وصالك ..
واحضنــك ..
وآآآبـــوح ..
انـا اللي يــ / حياتي ..
اســألك بالله ..
وين آآآ رووووح ...........؟

مخرج :

مَا قِلْت اَحِبِّكْ / بَسْ مُوتِي عَلَى ايْدِيـكْ
اَهْـوَنْ عَلَيـَّـهْ سـَطْوِتـَه مِنْ فْرَاقــِــــك

ْ

أتمنى ان تأخذ شيئاً من عطر القلوب
غنج نجد
7 / 4 / 2009

غنج نجد

نصوص تستحق القرأه والتمعن والاشاده والاعجاب ,,, متصفح من غير الممكن المرور عليه مرور الكرام,, اقولها بكل صراحه ,,

وصدقيني ,, هنا للشعر حضــور وتوهج بكل قوه ,, فلله دركـ ..

///

ولكني اختي غنج نجد ,, لي ملاحظه بسيطه واتمنى ان تتقبليها بصدر رحب ,, على الرغم انني لست بناقد او غيره او قد اكون مخطئـا ..

وملاحظتي في الشطر التالي .....

اِيــهْ انْتْ وَحْدكْ .. تـْعَمْــر القلبْ بصْرُوحـك

احد امرين ..
1- هو أنني لم اقرأ الشطر بالشكل الصحيح .. وهذا وارد
2- او انه يوجد خطأ مطبعي افقد الشطر وزنـه ..

وجل من لايسهو ....

ومرة اخرى اشكركـ واشكر هذا الاحساس وهذا الشعـر الذي لايستطيع صياغته بهذه الطريقه الفريده الكثير والكثير من شعراءنا اليوم وانا اولهــم ..

دمتي ودام هذا التألق .. كل الاحترام والتقدير