السلام عليكم ورحمة الله وبركاته
.
.
طابت اوقاتكم وكل عام وانتم بخير
.
.
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الله يسهّل دروبك وين ما رحتي=والله يحفظك لي ويمد بسْنينك
من يوم جاء للسفر طاري .. ولمحتي=في قلبي معارضك .. وبوجهي مْعينك
سويت نفسي جبل واسرفتي بنحتي=من ركزت مسافرة .. لمنازعة وينك ..؟
رتبتي هدومك وفي نظرتك شحتي=عن كل ساكن تبعثر في عنا وينك
فجّيتي الصدر.. في وقفه وفتّحتي=في قلبي جروح من قبلك ومن حينك
بموادعك .. كفّك اللي فيه لوّحتي ..=ما كان كفك .. أحسه كان سكينك ..!
أحرقتي القلب بالفرقا وفوحتي=حنين ما يوجد إلا بيني وبينك
هزيتي أعماقي القصيا وطيحتي=الدمعه اللي بعيني .. واللي بعينك ..
البارحة لو بيدّي حيله .. اصبحتي=عن الهجاد وتخيّرت أهون امْرينك
لكن ترى ما بيدّي .. غير مسبحتي=يوم إنك اقفيتي .. وقلبي بيدّينك ..!
بمواجه الشوق لا فوقي ولا تحتي ..=متعلقٍ بين قسوة ظرفي ولينك ....
وانا على كِثْر ما احرقتي .. وجرّحتي=أشوفك علاج .. من راسك لرجلينك ..!
من السفر لانقضت حاجَتْك وارتحتي ..=تعالي وحرري فيني مساجينك [/poem]
.
.
تحياتي
