|
اقتباس:
الله يرحم جدتك الكريمه وينورلها يارب يامحلا جمعات الكُبار بالهم وسيع مع الصغار اتوقع لو ان ام لاتتحمل تحكي قصص وحكاوي بشغف مثل ماتحكيها الجده ! انبسطت بحكايتك نوره يسعدك الإله |
جليله يبدو انها كانت ليله طويله لكن لها جمالياتها وذكراها
جميله جميله يانوره حد النخاع الله يجمع قلوب الاخوه على عطف وحنان ويلم شمل المتخاصمين أما قصتي فأنسجها لكم على لسان قائلها جد اولادي الله يرحمه يقول في زمن الجوع والفقر المقدع الذي ألم بالسعوديه قبل مئة عام كان هو واخوه الصغير يخرجون بالليالي بحثا عن صيد او غنيمه أو لقيطه حلال او مزرعه ياخذون منها مايسد جوعم وجوع من خلفهم من اهل في ليله حالكه الظلمه لابدر فيها ولانجم كانوا يسيرون كعادتهم فمروا على بئر اقتربوا لسحب الدلو وملئ قربهم بالماء واذا بهم يسمعون هديرا غريبا داخلها صوت لم يميزوه أبدا يقول الله يرحمه لاصوت انسي ولاجني صوت لجة ماء وهدير يقول قررنا ان ينزل احدنا ويرى ما القصه فأتت القرعه على اخي الصغير لانه خفيف وزن واستطيع انزاله ومن ثم سحبه فأنزلته بالحبل ( وهو يسرد لنا القصه قلت له ياعمي ليه مامشيتوا وكملتوا طريق ماخفتوا من الشي اللي ماتدرون وشو قال يابنتي الجوع خلا قلوبنا حديد نموت نعيش كله عادي ) نزل اخوه للبئر وهو نازل كان يتحسس بيده جوانب البئر الدنيا ظلام والبئر اشد ظلمه لما وصل القاع الا بيده تأتي على جسد مكسو بفرو فضحك ونادى على اخوه وقال انها خراف يا أخي أبشرك ليس واحدا بل ثلاثه يقول اخرجنا الخراف وذبحنا منها واحد وتعشينا ونمنا ببطن شبعان واجساد دافئه واثنين عدنا بها لأهلنا :) رأيكم بشجاعتهم وجرأتهم رحمهم الله ؟ |
يسعد قلوبكم حبيباتي
، كريمة يالله فعلا بطولات يخلدها الدهر وحكايات أحيان يعجز العقل عن الاحاطه بها فكيف بمن عاش تفاصيلها ابشرن بالخير باجهز لكن قصة بس افضى ان شاء الله ربي يسعدكم سعادة لاتشقون بعدها يارب هدوء نحتاج زيادة كستناء ع فكرة اسمه عندنا ابو فروة ماادري هل له مسميات ثانيه !؟ افيدونا ربي يسعدكم لمة سعيدة بكن أخياتي |
اللهم امين
نحن ايضا نسميه ابو فروه لكن نستعيض عن الشواء بالسلق أغلب الاحيان بانتظار قصصك نوره والبقيه وأنا ايضا سابحث في جعبتي فلدي المزيد :) جعل الله لكِ من دعواتك نصيب يارب 🌹 .... |
من القصص العجيبة اللي كانت جدتي تحكيها لنا
حظ ادغه يقولون الأولين إن الرفلا لها 7 اعرى اذا انقطعت وحده تعلقت بالثانية والجيدة مالها الا عروة اذا انقطعت انقطعت و الشكوى لله المهم لقيت منقولات في النت لسالفة حظ دغة مع ان بعضها فيها تغيير بسيط والأكيد الدعوة اللي نسمعها من كبار السن ( جعل الصحيح مايطيح ) سلامة القلب وطهره نور لصاحبه وراحة الله يرزقنا واياكم قلوب سليمة وأتركم مع القصة المنقولة ويارب تستمتعوا فيها () حـــظ إدغه السلام عليكم ورحمة الله وبركاته حياكم الله لهسالفه كان ياما كان في قديم الزمان كان به رجل عنده زوجتين وحده اسمه ادغه وهي ام الحظوظ بس مشكلته انه مسكينه وضعيفه ودايم المره الثانيه تغلبه لاكن ربي مقوم لها الحظ وهذا الي ولع النار عند المره الثانيه فقامت المره الثانيه تخطط بالحيل لتأذي إدغه فأول مره راحت وجابت لها غزل من جارته وقالت لإدغه يحول والله انك مسكينه تعتبتي على هالغزل وديه عند ربع يصلحونه لك بدقيقه انا غزلي هذا وديته لهم وهذاهم زينوه وهي قصده تبي تضيعه عليها وقالت لها وديه بذيك العواشز وقولي ياعواشز تناشز وراح يغزلونه لك اخذت ادغه غزله وراحت للعواشز وحطته وقالت ياعواشز تناشز فسبحان الله قامت العواشز من اهل الأرض (بسم الله الرحمن الرحيم) وصلحته لها ويوم رجعت لجارته إلا ماشالله غزله صدق مغزول قالتله جارته من صلحه العواشز ردت ادغه قالت ايه هم زينوه فالجاره ازداد غليلها وقام يتبخر من زود القهر ففكرت بفكره جهنميه وراحت وجابت لها حصاة كبيره سوداء مثل لون كبد البعير شافتها ادغه سالتها منين لك هذي ردت عليها قالت هذي كبد بعيري شقيت بطنه وخذيت الكبده وخطت على بطنه وماضره (وهي هنا تبي تذبح بعير ادغه عشان مايصير عندها بعير ويشدون ويتركونها لأن مالها بعير تركبه) إذا ادغه راحت لبعيره وشقت بطنه بتاخذ الكبد لاكن مات بعيرها لأن جارتها اصلا تكذب عليه بعدها حصل للجاره ماتريده انهم يشدون وادغه مالها بعير فقالوا لها يادغه اجلسي لاما يفرجها لك الله ادغه استسلمت للأمر وجلست وهم شدو وخبروها بمكانهم المهم ادغه كانت تمشي على رجولها ان وصلتهم كان بها ولا فالموت اقرب ومن التعب قالت بستريح بذيك المغاره في قمة جبل وهي جالسه جا حنشل في اسفل الجبل الي هي فيه وكانوا جامعين من حنشلتهم الكثير من الخير هي مادرت عنهم بس كانت تحكي على نفسها وتصارخ وتقول كلمات مثل(جاكم جاكم ــ الحقوهم ــ منا منا ) والجبل يعطي صدا فصار صوته مليون صوت معه الحنشل في الوادي يسمعون الصوت وخافوا انه الجماعه الي حنشلو منهم ففروا للهروب وتركو كل خيراتهم الي سارقينها إدغه ريحت ثم نزلت بتكمل مسيرها إلا تصادف ذيك الخيرات قدامها حقات الحنشل فرحت وقالت فرجها لك الله يالله الحقي اهلك وعطيهم من هالخير وتركب اطيب الخيل وتلحق زوجها وجارتها جتهم وهي مثل الأميره محمله بالخير وتركب اطيب الخيل وصار كل من له حظ قالوله حظ إدغه ولها كماله بس هذا الي اذكره وسلامتكم* ( القصة منقولة ) |
اقتباس:
سبحان الله بالماضي مر على البشريه بالمعمورة عامه جوع واليوم ايضا يمر ببعضهم جوع لكن الفرق سابقا كانوا اشداء واليوم اذلاء |
اقتباس:
اسمه كستناء او كستنه نشويه او نسلقه ونعمل منه حساء للتدفئه لذيذ اقتباس:
قصه ضد اليأس رائعه!! وإسمها عجبني " إدغه " |
اقتباس:
و مثلكم لكن تغيير بسيط بالكلمة " بوفْرَيْوَه" ربي يحفظك ... |
| الساعة الآن 11:22 AM |
Powered by vBulletin® Copyright ©2000 - 2025, Jelsoft Enterprises Ltd.