|
: هذي الوِحْدة تشبه ساعة، تاهت ليلة عن عقربها __________ كانت تَعْبُر هذا الوقت الذّابل فيها نَحْو : القَادِم مَرّت في صُحْبَتها جْرُوحٍ شفت أبعدها مثل أقرَبْهَا __________ وكَانت حَوّا في لَحْظَتْهَا تَكْسِر ظِلعينٍ في آدَم ! |
: هذا المسا ماهو مسا ، خير دونك ________ قولي أسا ، وآقول : من دون آخر كِنّ البَلَد [منفى] ، وربّي بدونك ________ لا البحر بحر ، ولا البواخر بواخر مدري هو إنّي كنت أشوف بعيونك ________ وإلا وجودك يجعل الكون فاخر ! |
: كَانَتْ السّاعَة : [ كَفن ] ___________ وكانت الظّلْمَا : بيَاض ! لَحْظةٍ فيهَا الـْ... جِفِن .. ___________ وَدّعَ الآخَر .. وْ فَاض خَلّت الْبَحْر الـ...سُّفُن ، ___________ خَاليٍ منها الـْ.. وِفَاض . |
: كل ما حبّيت لي شَخصٍ مرِض __________ شيّ من ربّي ، قَدَر مدري قَضَاء ماني والله ياجماعة : معترض __________ بس أبا اكْرَهْكُم على حَدٍّ سَوَاء ! |
: وآتهدّم / كنّي اللي ما بقى بعروق دَمّه : دَمْ ! ناحلٍ / يكفي لضيق الكون كلّه : يستحلّه ! ما بقي له غير سلمى والجفاف اللي يجغرف كُل هالما ! انحشر في ثوبه البالي ، وضمّ أصابيعه لـْ.. بعْض ، _________ راميٍ حمله على كتفهْ ، واغنياته لون داكن ! دربه المظلم يأرّخ به هالسما ، و تطيح أرض .. _________ مثلما طاحت أمانيه وْ .. مثلما ما قبل : لكن ! يوصل المقهى ويلقى وحدته ، .. .مع ضيق خلقه ، بـ... إنتظاره ! فتّش جيوبه وْ حَصَّلْ لِهْ [ سيجاره] ! شَبّها بالماء.. وأعلن ا ح ت ض ا ر ه |
: ماقلت لك ،، ، إنّ المحبّة جايرة ، وإنّ الأمَاني حَايرة ، وإنّ الطريق اللّي مشينا به عَبَثْ ياخِذْنَا من رِيق الـْ... حزِن ، مثل قصيدة بْلا وَزِنْ ، من شان يرمينا على المينا : جُثَثْ ! |
: يَا إلَهي طَهّر القلب من حُبٍّ سَطَا ، __________ فيه مَا لا فيه ،، مَا لا يُعَدّ من الطّعُون . مَا تَخَسّرت إنْ جفني لهْ فراش و غَطا __________ الخسارة عُمري اللّي رهنته للـ.. عيون . |
: عشّ مُشَوّه ،، تضيق الرُّوح بِجْرَابَهَا ، وآمِدّ لِي كَفّي ، وتْخُونِنِي كَفّي ، تْفيق جْرُوح و ارْتَابَهَا ، و تَنْدَهْ بِي : [ يْكَفّي ] ! |
| الساعة الآن 05:20 AM |
Powered by vBulletin® Copyright ©2000 - 2025, Jelsoft Enterprises Ltd.