سال الحزن من فوهة الناي دمعه/
بكّى أصابع عازف الناي من قلب .!

بركان حزن وثار من شي سمعَه/
كذّاب من يسمع ويبقى كذا صلب !!

خريف
.
.
قساوة وقت .. والموقف .. ونبره كلها توديع
على غصن الربيع اللي بنفسه خان توريقه

خريف اوراق في غصنٍ بدا في برعمه تفريع
عصافير الغلا كانت تغنّي فيه تشريقه !!

احسب ان الهوى ياخذ قوانينه بلا تشريع
واثاري حضرته يفرح على ساعي بتفريقه !
.
.

.
.
أظنُ الحروف قُدَّ قميصها من دُبر .!
.
.

( عقدي الرابع ) تنثّر بين قلبـك والكفـوف
آه ياوقتٍ تمـادى يـوم اخـذ عمـري مَعَه .!

عوّضينـي في بقايـا الشـيب حبٍ مايشـوف
دام في قلبـك حكايـا حُب .. باقـي به سَعَه

اكتبيني وسـط عينـك باعتبـار اني شغوف
واتركينـي أنزف المعنى .. وانا من يقنَعَه

لو كتبتك حب فينـي .. بكتبه من دون خوف
يكفـي اللي فات من عمـري وانا من ضيّعَه

(واسمحي لي يالغرام)ان قلت لك قلبي عيوف
عاف غيرك .. واستمات وكنتي انتي مطمَعَه

.
.
يا من يعزُّ علينا أن نفارقَهُم /
وجداننا كل شيءٍ بعدَكُم عدمُ

من رائعة المتنبي ( واحرّ قلباهُ )
.
.