كثر مافي ضلوع الوقت من خيبة
زرعت الورد في كف السراب وغبت

‏في غيبتك رحلة عمر
‏تنتهي فيك
‏ماتعترف حتى بوقت وثواني
‏لو قلت لك ( اشتقت لك حيل)
‏تكفيك !
‏واشتاق قلبي والعمر والأماني

للسهر !
لليل !
للصبح العتيق !
للدقايق معك احساس ولقا
القلوب اللي بها حبّ يليق
كم طوت بالصمت اشواق وشقا

‏كان تبغى الصراحة في ضميري سؤال
‏أعجز الصمت حيله واجمعته السنين

‏ليه كل يعاني في كفوف المحال !؟
‏يرجع بصوت حزني من صداك الأنين

‏انتهيتك حقيقة شاب فيها المقال
‏الجروح الجديدة ف الحشا ماتبين ؟!

‏كم نبت في الليالي من صدودك ظلال
‏يمسح الصبح منها دمعته والجبين !

‏هو كذا الحبّ يآخذ كلّ شيء احتلال !؟
‏هو كذا الشوق يخلق في المحاني حنين

‏مالمحت الحقيقة غير حلم وخيال
‏انتباهة شرود وارتباكة كنين !

ليتهم كانوا مجرد عابرين
ليتهم لم يستقرّوا في أعماقنا

أحتاج ضريبة سهر أنفقها على بقايا الحظ النافقة !

الضيق واحساس الالم لو توالت
يمكن لها ذكرى تبي تحتضنها !

وتغيب واياها بعد ماتسامت
روحك وقلبك والمشاعر وطنها !

كنت طفل ، احساسه الأوّل كبر
واستقام وداخله صوتٍ حزين