صح لسانك يالصانع
 

يا اخي اسأل
لو مجرد اتصال ..
احتمال..
ان الغلا والود باقي
بس تأكد .. اشتياقي
مو مجرد إحتمال
شي أكبر من عتابي .. من غيابي
بس في بالي سؤال..
آنا ويني؟

مرّوا يا ابو نواف .... مثل ابيض الثلج
وذابوا مثل ما ذاب ..... واعلن رحيله
لا سيّلوا وادي ....... ولا ربّعوا مرج
بس جمعوا من كل ضيقة ..... قبيلة
وقفت يا عيّاد ...... وقفة هل الخرج
اللي ..... استعاروه لدفاهم ..... فتيلة
وين انت يا اللي قلت لي اسرج السرج
اسرجت ..... لكن ما جنيت الحصيلة

عشرة عمر.. لكنّ وش نفع الأعمار
والمركب شراعه ومجدافه ايديه
عشرة عمر تنزف من ضلوع بحّار
مضّى حياته في تمني مراسيه
لا عينه من الملح.. تقنع بمشوار
ولا صاحبه بالتيه قادر يسليه
عشرة قهر يا الشعر منت من الأبرار
ولا انت ذنب أقدر أنساه وانفيه
قل ليمتى.. واحنا من بحور لأنهار
لا الموت ياخذنا. ولا الدرب ننهيه.