للسكوت علاج غير البوح صوت
‏وللأسف معنى بعين المبعدين

‏ياأمانينا بعد مالاح موت !
‏ادعي بطول العمر للغايبين !

مدخل طويل يستوطن الأعماق ~

نغيب ونستعير من الشرود ودمعته أهداب
ويجمعنا السكوت وعبرته واحساسه القاسي

/

كنت أصغي للسوالف والسلام
واتصفح ذكريات العابرين !

لين مات الصوت في حس الكلام
وانتهى دمعٍ تغالبه السنين

ياحكايات الأمل غصنك حطام
ياصباح الحلم والليل الحزين

الشتات اللي كبر فينا ركام
نجهل فصول الالم متقصدين !

لين زاد الجرح واختار العظام
نبتسم وبعزم نكسر هالأنين !

يمكن الفرقا تشتت هالظلام
وبعدها نجمع شتات العاشقين

/

من يترجم دمعة المحزون
ضيق وغطرسة !

ماعرفت إلا مشاريه وعتب !
‏وماذكرت الا حروفٍ تربكه !
‏.
‏الأسف لاطاح من فوق الرتب
‏من يعيده والمشاعر معركة !

وكأن ذلك الحزن المتراكم انتبه فجأة !
ليشعل في قلبي قناديل الشوق
مؤثرة استطرادات الشهيق
تسرق من اللحظة تفاصيلها

يارب وليس لي سواك

أحيان ألقى هجوسي في زحام طويل
مابين صوتك / صورتك / والفضا !

معقول تجمعنا المشاعر دون حتى دليل !
معقول حتى زحام الوقت فينا رضى !

لو كان للصمت هيبة ماتمسّك بليل !
يمكن لان المشاعر هي قدرنا وقضا !

حتى لو الشعر يحوينا بوزنه نميل
احساسنا بالوجود يقضي على مامضى !

كان الهوا مستحيل ابرمت انا المستحيل
واشرقت من غرب الشعور اللي حواه الوضا

ازريت الملم غربتي في شعورٍ هزيل
واكسر من اطراف حزني والمساعر غضا