|
اسأل عنك اعيوني يجاوبني الحزن شلال ابـ صدى.. مدري وتجيني بعد غيبه واسامح فيك أحزاني ويبقى جرحي في روحي يعذبني يا ليتك جيت من بدري |
ليه تغيب وليه بـ اغيابك اتأثر وليه آنا من ترجع أفرح بيك رغم إني أحس انك علي اكثير متغير |
مدري ليه كلما عذبتني حبيتك أكثر ولا ادري ليه كلما جيت امسح اسمك من خيالي القى انك عايش بـ فكري وبالي ولو شكى بعضي عليك ألقى انك صرت كلي صرت آنا .. صرت ظلي والقى انك في مدى النسيان ذكرى كلما قلت انها تلاشت تبقى فيني تصحي احساسي وتكبر قلبي اللي انجرح بيدين هجرك شوفه ينبض لك محبه كلما جرحك توغل في كياني كلما فرحي افـ غيابك ابتعد عني و نساني كلما حبيتك أكثر |
لا تروح ابعيد وتتركني وحيده لا تعذبني تخليني اكتب احزاني قصيده ازرع ايامي فرح خلني انسى العذاب اللي جرح خلني ارسم فرحتي من تجيني دنيا حلوه فيها م الحب غنوه دنيا غير الدنيا اللي راحت فيها اسمي فيها رسمي احلام تكبر خلني ارسم من حياتي لوحه أحلى من اللي راحت فيها دنيا ملونه .. وبيها أرسم كل أفراحي الجديده |
علمني على اغيابك كيف الروح اصبرها علمني على القسوه على النسيان دخيل الله تعال اسمع صدى نبضي وكيف الحزن في بعدك يهيض كل أوجاعي تعب بالروح يشقيها ويمرمرها |
تعبت ارسم على البيبان احزاني واتاني رجعة الغياب تعبت افتح درايش غربتي واسأل عن الـ راحوا.. متى يردون وأعلل بالأمل بكره واثاري ان الأمل كذاب |
في غيابك كل شي ضدي يصير تصير ضحكاتي دموع حتى حزني يصير غير |
في غيابك يصير نور الفجر ظلمه وآتكدر التفت حولي وادور ضي بسمه وما ألاقي غير شوقي واحتراقي يشعل العتمه بـ عتمه |
| الساعة الآن 04:37 AM |
Powered by vBulletin® Copyright ©2000 - 2025, Jelsoft Enterprises Ltd.