|
ارقب وصالك وانت في وصلك اشحيح مدري متى ،، كف المواصل بك يجود اسقيتني حنضل ,, وانا اشوفك الشيح والعود من هجرك سعى وسطه الدود شف كيف حضي بعدك يقوم ويطيح لاعايش براحة ،، ولايعرف سهود عبدالله ،، . |
ياعـود وان مـرك مـع الوقـت ذعــذاع فـلا تَحَسْـب ان كــل الايــام ذعــذوع جـذع النخـل لـو مـال ياعـود مارتـاع يبقى شموخـه والهبايـب تجـي طـوع ونود الجنوب انسامها تطـرب القـاع والوحْوحـيّـه بـردهـا يصـلـب الـكــوع وبين المحول وزاهي الروض مصراع والفـرق شاسـع والحـيـا دوم متـبـوع عـلـى كــذا خــل اللبـابـه لــك شــراع وفـلــه الـــى مـنــه تـهـيـالـك ســنــوع وان غرتـك شمسـك فياكـثـر الاتـبـاع منتـه وحيـد اكـثـر مصاخيـنـه تـبـوع والنفس من طاعه مـن النـاس طمـاع وان قلـت رغبـه قالـوا النـاس ممنـوع يـاعـود عــوّد فالبـلـد قـطـعـة سـبــاع جـنّــب ولاتـقــرب مـراديــب مـيـقــوع ( عبدالله الضبعان ) . |
هات العذيّ من العنب ياعنبّه ياروضة الشعر الغناوي ياغنّى ياخنّة .. العود المعتّق .. يالبّه غرّد مدام الطير لاوحاك غنّى عبدالله ،، . |
كنت احتريك ..!! في موعدك ،، والموعد اللي بك لفى جابك ،، بعد طول الجفى يرسم ملامح جيّتك مركب* غرام ومارسى جابك ،، وخطواتك تثاقلها علي وانته ،، من اشواقك خلي ،، هبّت بي ارياحك وثار للهوى ،، عج احتظار بين لهفة ود ،، وحزون انكسار* وفـ/وقتها ،، تبدا السحايب بالرحيل تُعلن الرحله ,, قسى ,, وعصوف وخيول وصهيل ،، ويختفي صوت الهديل* تذبل اغصون الغلا ،، تتساقط اوراقه *أسى وكل هذا وانت ،، بعيونك سراب ترقب الساعه ،، ويبدابي ارتياب ترقب الساعه ،، ونظراتك تقول ماااا أبي وقتي يطول يمكن اللي جابنيلك ,,,,,,,, يمكن شوية ,, فـ ضـ ووو ـل عبدالله *،، . |
لبيه ،، وآمر ،، واطلب الروح تفداك من ذروة احساس الغلا لين جالك *يرخص لك الغالي ومالي وما جاك بس انت تامر ،، والبقا بي ،، حلالك عبدالله ،، . |
أعشقُ الشِعر . .* ليس لأنه شِعر ،،* وإنما ،،* لأنه نافذةٌ أُطلُ منها على البحر . . لأبوحَ لهُ . عبدالله ،، |
ياويّ راسٍ ماتجيه .. الطناوه ودك على صالي لضاه يتطوّى واللي عروقه مارتوت بالنخاوه كبّه .. مع العفن الرداوي يخوّى عبدالله ،، |
دموعك اللي .. كنها دموع .. تمساح تذرف ولاادري وش وراها من احساس خليتني .. بين الخساير .. والارباح لاالزير رابح .. لاولا رمح .. جساس عبدالله ،، . |
| الساعة الآن 10:47 AM |
Powered by vBulletin® Copyright ©2000 - 2025, Jelsoft Enterprises Ltd.