جروح(ن) تواكب لوعتي ماجيت ابعثرها بيدي
بحبر الشقى هي تنكتب سطوه على وجه الدهر

وكانك تشك بمقدرة شقراء الأصايل لاتعدي
بعّج الحوافر كحلت عين الحصن وقت الظــفر

مثلي كثير ٍ يمتلك فكر(ن) يسافربه لغدي
يبحـــر بحور ٍ شاسعه ويحطم رجوم الصخر

وكان التحدي بيننا قم وإعلنه لجل ابتدي
ماهو غرور ايه انتبه ذا باسي الشهم الأمر

بنت القبايل مارضت غير الجوارح تقتدي
تحيا وتموت بعزها إفهم علي كانك بشر

شيهانه ولي نظرت(ن) فوق السحايب يابعدي
وشّره على بعض الطيور اللي على شكل الصقر

ولعلمك ان بالمصقره طير ٍ بتع وآخر ردي
واظــن يسمونه (حقر) لاهو غراب ولانســر

توك صغير ٍ بالشعر والعمر قدامك مدي
إعرف قدر من عاشره وافنى حياته بالشعر

تحياتي للجميع

عبير