|
طلب البراءة و إيده بـ الدم مغسولة --------------------و فَصَّلوا عشان خاطره محكمة عمولة وازاي يُحكم قاضيها بالعدل و هو ف الأصل إيده مغلولة |
ما تقولش (بوتي) يا حبيبي ، إسمها (أصرية) و اعدل لسانك ف الكلام، دي أمك مصرية هو عشان تِبان نضيف تُخرج من جِلدك ولا النمردة ع الأصل بقت موضة عصرية ً-------------------------- |
دَعَكت المصباح و طِلِع لي عفريته كـ العادة قال لي أطلب طلب و اتنين و تلاتة و زيادة ما قِدِرش يحقق شيء من اللي اتمنيته لما اتمنيت الحب و الصحة و السعادة --------------------- |
فيه ناس تعيش حياتها و تموت وهي بـ تدوَّر ع الحب و ناس يدوَّر هو عليها و ما يلاقيش جواها قلب غريب امر الهوا، لا فرحه يعرف يجيبه ساحر و لا جرحه له دوا في الطب -------------------------- |
بـ يمَصمَص ف عضمة معَصعَصَة ما نابوش غير المَصمَصَة ما شبعشِ بس حمد ربه على عياله الكويسة ----------------- |
مرض الوطن لا له دوا و لا مُسَكِن .. ما هو جرح الفساد مهما داويته ح يعفن .. و كل مُخلص للوطن ح يموت شهيد و مش ح يطول حتى ف عَلَمه يتكفن .. ---------------------------- |
مش ح أظلم معايا الشيطان , انا لوحدي اللي جاني مش ح اكدب و اقول أصله حط الكدبة علي لساني الشيطان شمّاعة خايبة بنعَلَّق عليها اخطاءنا و كل أخطاء البشر أصلها إنساني .. -------------------------- |
اللهجة جميلة
أبدعت متابعة |
| الساعة الآن 01:04 AM |
Powered by vBulletin® Copyright ©2000 - 2025, Jelsoft Enterprises Ltd.