|
ماشاء الله تقريبا مسمياتنا له وطريقة إعداده متشابهه
نوره إدغه على نياتها وربي رزقها دائما تجيني افكار عن الحنشل وين ارضهم واحفاده ايش صاروا من بعدهم ههه قصتي اليوم حقيقه وليست خيال جميله عن الحب باسلوب آخر عمي الله يرحمه كان بشبابه ويرعى إبل والده في كل فتره من الزمن يتنقلون بحكم انهم بدو رُحَّل يتبعون المرعى أينما وجد يقول انه بيوم نقلوا من الحجاز الى نجد منطقة الخرج الآن وبعد مابنوا بيوت الشعر اخذ قطيعه من الابل وذهب للرعي يقول وهو يمشي امام الابل لمح جُره ( أثر قدم ) في طريقه وجلس يتفحصها وبحكم فراسته تنبأ أنها لإمرأه كانوا قديما مايعرفون الأحذيه يقول أقسم بالله يابنتي وقعت في حبها من اثر قدمها :) يقول تتبعت الأثر الى مجموعة خِيم ولا أعلم هي بأي خيمه ما استطعت اتبع الاثر للداخل فرجعت يقول كنت على هذا الحال مدة خمس أيام وكأني اقنص غزال باليوم السادس تبعت الأثر ولحقت عليها قبل تدخل للخِيم كانت تستظل بشجره ومغزلها بيدها اقتربت منها والقيت التحيه وطلبت ماء منها واسقتني من قربتها يقول كنت اتفحصها بعيني ووقعت بغرامها أكثر يقول سألتها ابوك أي خيمه من هذه الخيم بتقهوى عنده ضحكت وقالت ابوي بتهامه مع جماعتنا لكن تفضل لبيت الشيخ زوجي وابشر بالقهوه يقول وكأنها صكتني على وجهي ماعاد اريد لاقهوه ولامضياف يقول مشيت وانا مصدوم ومتألم يقول طوال سنه واحنا ووالدي نشد ونرحل وارجع لديارهم وكل ماقابلت اولاد صغار اسالهم عن بيت الشيخ وايش العلوم بيوم مريت وسالت قالوا الشيخ توفى من شهر يقول وهو يضحك الله يرحمه لاول مره افرح بوفاة انسان اعوذ بالله بس الحب يابنتي تملكني يقول كلمت ابوي وقلت له عالسالفه وضحك قال اي وحده الشيخ كان متزوج ثنتين ووقعت بورطه ثانيه انا لا اعرف المرأه الا بأثر قدمها واضطريت انتظر إلى ان ينهين عدتهن ويبدأن الخروج من جديد ورحلنا للشمال يم المراعي مدة ست شهور اخرى وانا قلبي حطب اخاف احد يتزوجها كان ذاك الزمن النساء قليل يقول رجعنا لنجد وانا سعيد واحس اني ما امشي عالارض بل اطير بجناحين من الشوق وللاسف انصدم للمره الثانيه بأنهم رحلوا واستأذن ابي بالبحث عنهم يقول تبعت اثرهم اسابيع حتى وصلت تهامه وتذكرت كلامها ان والدها بتهامه ووجدتهم اخيرا وسالت عن اهل الشيخ المتوفى ومكان بيته ودلوني عليه دخلت ضيف عليهم وسالت ابناؤه عن زوجاته قالوا لديه امنا عجوز كبيره وهي معنا هنا وعمتهم الزوجه الثانيه انتقلت لبيت والدها ولم تنجب من والدهم وارشدوني لبيته وذهبت له لكن انتظرت للصباح لاتاكد من اثر القدم اللي احببته هههههه يقول بالصباح خرجت غزالي ذاهبه لغنمها لحقتها ونظرت بأثر قدمها وتاكدت انها معشوقتي وتقدمت لها وكانت زوجته الاولى اللي ملكت قلبه ايش رايكم بالحب اللي كذا 😌 |
هيج الحُب وبس^
|
تذكرت قصة شبيهة لها لكن تختلف في النهاية
نفس الحكاية شاب يترحل مع والده ويوجد قريه يطلوا بيها كل مرة كان البيت اللي يرتاحوا فيه بنت صغيره والشاب يحضر لها حلوى وهو كان ينوي يطلبها لكن تاخر في الطلب في كل مرة يعطيها حلوى واخر مرة ماوجدها " راحت " تزوجت ورحلت ! ندم انه تاخر وماتقدم الجميل انه مازال يتذكر !! |
جميله مداعبات الحب العذري والأول
لكن أغلبها تنتهي بمآسي كلي شغف لقصص البقيه 🌹 |
لمة الشتويه بتخلق عالم بفكر الصغير عنجد يعني مو حي الله لمه
بالعيله عندنا بالصيف والشتا رحلة اساسيه لبيروت شي يومين بس وهنيك يجتمعو الكبير والصغير " يعني لسباب سياسيه وهيج " الزلام والصبايا حد بعض والكباريه حد بعض واني لاتسالوني حد مين ^ |
يالله ياكريمة ماأروعه من حب
هذا هو الحب الحقيقي الله يرحمه ويغفر له روعه بانتظار المزيد هدوء الشتوية ولمة الأحباب هي الدفء الحقيقي كل العائلة متحلقين في حب مشهد يجعل للشتاء نكهة قصة فيضة السرداح من القصص اللي كانت أمي تحبها وتحكيها اذا لقيتها مكتوبة جبتها او متى ماحصلت وقت متسع كتبتها لكم صادق الدعاء |
مساؤكم دفء ولمة قلوب يارب
كلي شوق لقراءة قصتك نوره 🌹 |
يقولون الله يسلمكم أنه كان فيه بنت ( بنت بدو ايام كانوا الناس بدو يشدون وينزلون حسب الوضع ذيك السنين ) البنت كانت متزوجة من قبيلة غير قبيلتها وصار بين قبيلتها وقبيلة زوجها خلاف و عداوة بعد هذا الزواج .... المهم ... البنت لها أخو ونوى هالاخو أنه يغير على أبل القبيلة التي فيها أنسابه ليأخذها واتفق مع أخته أنها تخبره بمكان الابل حين يصل الى منازلهم اللي هم فيه وأتفق مع أخته على كلمة السر وهي أنه سوف يعوي مثل عواء الذئب عند وصوله حولهم لاجل ترد عليه أخته بأبيات شعر تدله فيها على مكان مراده ( ألآبل ) وكأنها تخاطب الذيب , فلما كان الهزيع الأخير من الليل وصل الرجال الى منازل قبيلة زوج أخته في الموعد المحدد معها فرفع صوته بالعواء كأنه ذيب كما هو متفق عليه فقالت أخته بصوت مرتفع يسمعه :
يا ذيب ياللي جر صوت عوى به ...................... ما ادري ظما والا من الجوع يا ذيب يا ذيب لا تطــردك عـنا المهـابه ...................... طــرش العـرب بالـبر كلـه عـوازيـب تلقى العشا لك في خشوم العقابه ...................... في فيضة السرداح وان تهـت يا ذيب المهم سمعتها وحده من عجز قبيلة زوجها بيتها جنبها وكانت صاحيه ما نامت 00 وسمعت عواء الذيب وقصيدة البنت اللي هي رد على عواء الذيب وظنت ظن السؤ أنها تحدد موعد مع عشيق لها وأنهم متفقين على العلم الردي فقالت لها العجوز هالابيات تحذرها :ـ يا بنت حذرا لا يعضك بنابه .................... ترى معض الذيـب ما به تطابيـب يترك مثل البكرة اللي جلابه ..................... ليا حافها السوام يلقى عذاريب يخلى جنابك مثل دار خرابه ..................... تصـير للفـار المخــرب ملاعـيـب فـزت البنت مثل المقروصه من مكانها وقامت واقفه من هول ظن السؤ وردة على العجوز نافية عن نفسها الاتهام بالرذيلة مبينة لها أنها ماهي هي راعية الردا والعلوم الرديه وأنها أشرف من الشرف وقالت : والله جلّاب المطر من سحابة ...................... اني سليمة ما بعد عضني ذيب واللي ظلمني جعلها في شبابه ...................... وتحـدره من عـالـيات المراقيب أنا كما عــدٍّ عــذيٍّ شــــرابه ...................... ما تارده بالقيظ حرش العراقيب سبع العجايز دايرات للمـعـابه ...................... سود المقانع يابسات العصاليب وهكذا حققت البنت مـراد أخوها وراح وأخذ ألآبل ونفت عن نفسها تهمة الـردا والعلم الشين منقول لعيونكم القصة تماما كما اعرفها لها ذكريات تخييم وبر واجتماع عائلي وطفلة صغيرة تحب الشعر |
| الساعة الآن 11:08 AM |
Powered by vBulletin® Copyright ©2000 - 2025, Jelsoft Enterprises Ltd.